Nahitabo g’yud sila si Rico ug Fe sulod sa lawak sa seksi nga byuda. Mora’g mabuang si Rico sa kalalim tungod kay samtang kini pa ang unang higayon nga nalambigit siya’g babaye, diretso pa nga nakadimdim og himaya.
Hilabihan ka hot ni Fe sa ilang panagkumbati, tingali gimingaw na kaayo niining butanga kay modul-an na man sa usa ka tuig nga nabyuda ug wala gayud manguyab.
“Mosugot ka ba Ric nga magtipon ta’ng duha?†gisukna ni Fe ang masahesta nga bag-ohay pa lang niya natilawan ang pagka lalaki. “Sugot kaayo, pagka swerte nako ah kun ikaw ang akong maasawa,†ni Rico.
Gisubli pa nila nianang gabhiona ang pagtagay sa lawasnong kalipay ug gabii na nga mipauli si Rico, apan wala na siya maglakaw kay gihatud siya ni Fe pinaagi sa sakyanan sa byuda.
“Salamat Fe ha? Gihatud ko nimo ug nakasakay pa sa imong sakyanan,†matud ni Rico. “Ato na unya kining sakyanan Ric kun magtipon na ta’ng duha.â€
Pagkaugma, daw nagpangita si Rico sa lamian nga putahe nga iyang natilawan uban ni Fe. Gipislit ni Rico ang kilid sa iyang relo de pulso nga gituyo para sa mga buta ug takulahaw lang mihatag og oras.
Hapit na alas siete sa gabii, nakahuna-huna siya nga adtoon si Fe sa iyang balay. Gikuha ni Rico ang iyang sungkod. “May arion lang ko sa unahan Nong,†iyang giingnan ang maguwang niya nga si Banong, ang tag-iya sa balay nga iyang gipuy-an.
Kalma nga naglakaw si Rico daplin sa aseras paingon na sa ilang panimalay ni Fe. Nakamatikud si Rico nga miabut na siya sa eskena, miliko na siya paingon sa ilang Fe.
“Rico... Rico dia ka lagi,†paraygon nga tingog ni Fe ang misugat kaniya. Diha ‘sab diay si Fe nagpahayahay sa aseras. “Dali sulod Ric,†matud ni Fe.
Gitug-anan ni Rico si Fe nga gusto na siya nga magtipon silang duha. Nalipay kaayo si Fe kay ang tinuod, dugay ra siya nga naibog kaayo ni Rico tungod sa maanindot niyang tingog.
Gisaw-an na usab nila ang dili matukib nga kalipay taliwala sa ilang pagparayganay. Gikan niadto, nagtipon na sila si Fe ug si Rico. Malipayon kaayo sila. Bisan og usa ka buta si Rico apan gipangga siya pag-ayo ni Fe.
Gipamalitan si Rico ni Fe sa mga himan niya sa musika. Gitagbaw usab pag-ayo ni Rico si Fe sa gipangita niini sa usa ka lalaki.
Milabay ang mga buwan ug kapin na sa tuig sila nga nagtipon. Nakahukom si Fe nga mokuha’g drayber nga mohatud ni Rico kun duna siya’y mga lakaw kay usahay dili siya makahigayon pagmaneho. - Sumpayan