Maria Magdalena

Apan imbes sa sinehan mi magpahatod sa Emall, giingnan ni Raffy ang driver sa taxi nga sa RGB’s Best Inn ni padong.

Nakasabot dayon ko kun unsay tuyo ni Raffy nako. Pero nagpagoryogoryo ko. Samtang nagdagan ang taxi nga among gisakyan, gipangutana nako si Raffy. Nagpa- “as if” ko nga wala makasabot sa iyang tumong.

“Nganong sa RGB’s Best Inn man ta magpahatod?” Nangutana ko. “Manan-aw man kaha ta’g sine.” “Ayaw na lang paglangas gud, mas maayo didto,” gihunghong ni Raffy ang iyang tubag sa akong dalunggan. “Pasagdi na lang ko nga modiskarte, ha.”

Wala na lang ko motingog.

Pag-abot namo sa RGB’s Best Inn, nagpa-check in dayon mi sa counter. Short time lang. Giagbayan ko ni Raffy paingon sa room nga gidad-an sa roomboy kanamo. Paggawas sa roomboy gikan naghatod kanamo, gi-lock dayon ni Raffy ang pultahan.

Gigakos dayon ko ni Raffy. Unya iyang giukoban ang akong ngabil. Pero nagpakita ko’g resistance. Gibadlong ko siya.

“Binuang man ning imo,” giingnan ko siya. “Wa baya ni labot sa atong sabot kaganina. Mikuyog ko nimo kay miingon kang manan-aw ta’g sine. Unya nganong nia man ko nimo dad-a dinhi. Nakaminus ka gyud nako, no?” “Nausab ang akong hukom,” ni Raffy pa. “Misantop sa akong hunahuna nga mas maayo dinhi kay duna tay privacy.”

Wala ko motingog. -- Sumpayan pa