Pag-abot nako sa buhatan sa St. Peter, gihimo dayon nako ang akong tuyo ang pag-follow up sa loan ni Papa. Gihinabi nako ang usa sa mga kawani sa maong buhatan. Gipasabot ko’g maayo sa maong kawani sa mga hinungdan nganong dugay nakalusot ang loan ni Papa.
Wala pa gani ko mahuman sa pagpakigsulti sa taga St. Peter, nasiplatan ko ang pagsulod ni Raffy sa maong buhatan. Milingkod siya sa usa ka monobloc chair. Nasabot kong naghulat siya kanako.
Mitindog si Raffy ug midali pagduol nako dihang mibiya na ako sa atubangan sa desk sa kawani sa St. Peter nga akong gihinabi.
“May transaksiyon sab diay ka dinhi?†Gipangutana ko si Raffy.
“Wala,†niya pa. “Ikaw maoy akong tuyo.â€
“Ngano man?â€
“Manuroy usa ta, Maria. Unya na gud ta pauli. Tan-aw ta’g sine.â€
Sa makadiyot naghunahuna ko kabalibaron ko pero mora’g maikog ko ni Raffy. Wala sab koy nahunahunaang balidong rason nganong akong balibaran ang iyang pagpanghagad nako nga manan-aw mi’g sine.
Misugot ko. Dihadiha nanggawas mi sa buhatan sa St. Peter. Mipara dayon si Raffy og taxi. -- Sumpayan pa