Nagkasuod gayud pag-ayo sila si Jane ug Redem. Human sa ilang dinner-date, gihatud ni Redem si Jane didto sa balay sa iyang ig-agaw. Pagka-Domingo nagkita na usab sila si Redem ug Jane kay makigsangka man siya sa first prize winner sa amateur hour.
Giswerte kanunay si Jane kay gipilde niya ang challenger nga gustong moilog sa iyang pagka kampyon. Si Redem maoy tighatag og ideya unsay maayong kantahon aron isangka sa awit sa first prize winner.
Si Redem maoy mipili nga ang kantahon ni Jane mao ang The Greatest Performance of My Life kay sigurado siya nga sa mga kanta sa walo ka contestants walay magsilbi sa kanindot sa maong kanta.
Mora’g nagsilbi nga consultant si Redem ngadto ni Jane. Usa ka Sabado, samtang nag-awdisyon si Redem sa mga contestant, mitunga si Jane sa radio station. Gipaila-ila siya ni Redem ngadto sa mga contestants.
“Birthday sa akong manghud karon Redem ug mianhi ko aron imbitahon ka kay mangaligo mi’s dagat. Adto ta para makaadto ka sa among lugar. Nindot ra ba kaayo ang dagat namo sa Hilasgasan,†ni Jane pa.
Nagpahiyom si Redem nga mitutok ni Jane. “Sigi, kay human aning pag-awdisyon nako sa mga contestants wala na man ko’y trabaho, mangadto ta,†ni Redem pa. Gidali-dali ni Redem ang pag-awdisyon.
“Dali ra lagi nimo nahuman ang pag-awdisyon,†matud ni Jane. “Mahibaw-an na man kun kinsa ang maayo nga mokanta. Unya, dili kaha masuko ang imong boyfriend nga moadto ko sa inyo?†ni Redem pa nga daw nanagana.
“Wala pa ko’y gisugot sa mga nanguyab nako uy. Wala ‘sab nako sila giimbitar nga moapil sa gamay namo nga salo-salo sa dagat,†dali nga tubag ni Jane. Nanghuwam si Redem sa motor sa iyang amigo aron kasakyan nila ni Jane paingon sa Barili.
Wala pa’y udto didto na sila sa Hilasgasan. “Kanindot g’yud diay tinuod sa inyong baybayon dinhi no? Naay bas apan naa sa’y dagku nga mga bato,†matud ni Redem.
“Tana, tua sila sa unahan si Papa ug Mama, kadtong pipila ka mga tawo nga nagpundok sa unahan duol sa pangpang,†ni Jane pa. Gisandig ni Redem ang motor sa punoan sa kahoy.
Gipaila-ila ni Jane si Redem sa iyang mga ginikanan. Gitagad pag-ayo si Redem sa mga ginikanan ni Jane ilabi na nga ang taga probinsya moyukbo kaayo sa mga tawo nga anaa magtrabaho sa radyo.
“Mangaligo na ta Redem maayo kay taub pa ang dagat ug nindot kaayo ikaligo,†matud ni Jane nga migunit sa kamot sa technician. -- Sumpayan