Guwapa bisan way makeup

Ayaw kahadlok mogawas sa bay nga way makeup.  Naay uban nga hadlok makit-an sa mga amiga kung way kolorete ang ilang nawong.  Ang tinuod, matod sa mga eksperto,  naay daghang mga  paagi para guwapa lang gihapon bisan wa ang  makeup nga makahatag og kumpiyansa sa kaugalingon. Alegre mamutang og makeup pero di ni obligasyon.

1. Sugdan sa basics. I-andam ang panit pinaagi sa paglimpyo ini. Regular nga manghilam-os para fresh kanunay ang panit ug mahimo kang natural beauty.

2. Ipabongga ang mga natural nga features sa imong nawong. Ang kilay atimanon para porma ug hapsay tan-awon. Ibta ang kilay nga nikatag.

3. Ayaw ug tago sa makeup. Kung imong feeling nga ngil-ad kang tan-awon kung way makeup, nagpasabot nga kuwang ka sa kumpiyansa sa kaugalingon ug mailhan ni sa imong hitsura.

4. Makapaguwapa ang kinasingkasing nga smile. Mas ma-notice  ang imong smile kay sa unsay sipyat sa imong nawong. Samot nga di mamatikdan nga wa kay makeup. Likayan lang nuon ang smile nga pinugos.

5.  Makatabang kung nindot ang imong hairstyle. Kung nagustoan nimo ang imong buhok, nindot ang imong paminaw.

6. Buhonga ang panit sa pag-inom og daghang tubig ug vitamins. Siguraduha nga  sakto ka’s tog ug di palabihan ang pag-inom sa alcoholic drinks.