Ang akong text message ngadto kang Raffy nag-ingon nga gusto kong makigsulti niya ug magpaabot ko niya sa balay. Mi-reply dayon si Raffy sa akong text, nag-ingon nga in ten minutes moabot na siya.
Tuod man, nagpaabot ko ug...wala pa gani ten minutes, may motorsiklo nga mihunong sa tungod sa balay. Sa akong paglili sa may bentana, si Raffy ang akong nakita nga milakaw nga maoy pagkanaog sa motorsiklo.
Dihang akong nakita nga milakaw na si Raffy paingon sa tugkaran sa balay, midali ko pagpaingon sa pultahan ug giablihan dayon kini. Gipasulod dayon nako si Raffy. Dihang nakasulod na siya, gidali nako’g sira ang pultahan. Sa wala, nanglingkod mi si Raffy.
“Hain man diay ang imong mga ginikanan,†ni Raffy pa sa dihang mora’g nakamatikod siyang walay laing tawo nga nagtikawtikaw sulod sa balay.
“Tua sila sa Ginatilan mitambong og kasal sa among ig-agaw.â€
“Uy, ikaw ra diay’ng usa ron dinhi.â€
“Oo. Mao laging gibati ko’g kalaay. Kini ang hinungdan nga mi-text ko nimo kay gusto kong dunay ika-estorya samtang wala pa ko dukaa.
“Thank you nga ako’y imong nahunahunaan nga ika-estorya.â€
“Thanks sab nga gigahinan ko nimo’g panahon. Nasayod kong duna kay trabaho pero wala gyud ko nimo balibari. -- Sumpayan pa