Kun mamatay na man gyud ko, adto ko magpakamatay sa ato, sa atong balay. Dili ko magpa-opera bahala’g mamatay. Dili tungod kay wa tay kuwarta nga di ko paopera. Bisa’g may kuwarta pa ta, di gyud ko paopera. Kay una, nasayod ko nga kining akong sakit, dili sakit nga tinuod. Hinatag sa dautan. Busa, kun mamatay man gani ko, gusto kong mamatay nga hitso o tibook. Way tatsa akong lawas†ni Brando nga nagkaputolputol ang tingog sulod sa lawak niya sa ospital.
Luya na kaayo siya. Luspad, mora’g bukog ug panit na lang sa iyang kadaut. Nagtibi si Minda, iyang kapikas nga nagsud-ong niya.
“Sampit na lang ta sa Diyos. Kay gitagalan na man lang ka’g tulo ka bulan sa doctor. Kun dili ka paopera, hamubo na lang imong kinabuhi†ni Minda nga naglingkod sa ngilit sa katre sa walang kilid sa iyang kapikas. Naghapuhap sa agtang sa kapikas.
“Gisandig ko na sa Diyos ang tanan. Diyos na lang ang mag-igo nako†ni Brando sa laghaw nga tingog.
Usa ka bulan na sa ospital si Brando. Nahurot na ilang kuwartang tinigum. Sekyu lang iyang trabaho. Guwardiya siya sa gate sa Manigad Subdivision ning dakbayan. Unya kalit lang nagsige siya’g suka ug di kapagawas sa iyang hugaw. Ang hukom sa doctor nga operahan siya kay nagpilit iyang tinai ug duna say tinai nga nisira. Siyen mil pesos ang bayranan sa operasyon. Nag-emergency leave dayon si Minda sa iyang trabahoan nga Furniture Factory.
Nagsugod ilang problema dihang gihatagan sila’g yuta sa lolo ni Minda (amahan sa iyang mama). Iyang gyung lolo ug lola nga nagpirma sa deed of donation unya notaryado gyud og abogado. Pagkamatay sa iyang lolo, nipasaka og kaso iyang lola (sa pangagpas ni Minda, gipugos lang sa iyang iyaan nga si Sonia nga maldita kaayo).
Ipabaliwala nila ang dokumento sa paghatag. Gusto nilang bawion ang yuta nga gitarokan na sa ilang balay ni Minda. Natural lang nga tagaan si Minda kay nag-atiman sa tiguwang. Unya si Minda giisip nilang anak, kay wa may ginikanan nga nag-atiman. Sukad pagkatawo niya (anak siya sa pagkadaga sa iyang mama nga naminyo na’g laing lalaki, unya kunsabo gihapon sa iyang iyaan nga maldita) diha na siya’s iyang apohan nagdako.
Kun mouli panagsa si Minda sa ila, duna sila’y mga silingan nga mga kunsabo sa iyang iyaan nga magsige og ingon “Buhi pa? Patay na?†Gipadungogdungog si Minda. Nasayod siya nga barang o paktol o gahum sa dautang ispiritu ang naghatag og sakit sa iyang bana. Aron hasulon siya dili lang sa kaso, hasta sab pinaagi sa panglawas sa iyang bana.
Dangta’g unom ka buwan, nibalik na’g trabaho si Brando. Nagpatambal siya’g albularyo ug gihatagan na siya’g habak nga panagang. Ug Bibliya nay iyang gidaladala. Kay niya pa, way laing makabuntog sa dautan, kun di ang labing gamhanan nga Diyos. Gani tungod sa paghasol sa iyang mga kontra, giparikisa siya’g pulis padulong sa trabahoan abi’g nagdaladala’g armas. Naulawan ang pulis. Kay sulod sa iyang bag, dako ug baga nga Bibliya. Iyang armas, gibilin kanunay niya sa opisina.
“Dako kong pasalamat sa Diyos, attorney, nga iyang giayo akong bana. Way arang sa Diyos, kun muhangyo ta nga panalipdan ta Niya†ni Minda ngadto sa iyang abogado dihang nagkahinabi sila sulod sa husgado, samtang naghulat sa tawag sa ilang kaso.
“Tinood na. Busa, iampo lang nga hikapon ang dughan sa huwes. Nga di siya magpailad sa atong kontra sa kaso†sa abogado. (Kataposan)