Dear Tita Salie,
Have a wonderful day, Tita. I hope and I pray that God will always guide you and shower you his blessing and will always give you good health and peace of mind.
Just call me Renrose, ulitawo pa. Apan ang akong problema dili kabahin sa gugma kondili sa akong pagkatawo. Makalibog kaayo, Tita ug wala ko masayod kun nganong naingon kini niini nga ako na hinuon ang mas naapektohan.
Sukad sa akong pagkabata, Tita, hangtod nga migradwar ko sa college Warren ang akong pangalan. Apan tungod lagi kay pangayoon man ang NSO kun mo-graduate na sa college nikuha ko og birth certificate sa NSO. Dako nakong kakurat dihang lahi ang akong pangalan didto dili Warren ang akong pangalan kondili Ramel. Ako usab kining gitan-aw didto sa Local Civil Registrar ug Ramel gihapon ang anaa didto.
Dunay nitambag kanako nga magpa-late register na lang daw ug maoy akong sundon ang anaa sa akong TOR sakto kaha, Tita, nga magpa-late registration ko? Unsa kahay mas maayong buhaton ug mga pila kaha ang magasto niini? Palihog tabangi ug pasabta ko. Thank you very much and more power.
* * *
Hello Renrose,
Mao gyud kini ang kasagaran nga problema kundili tarangon og fill-up ang form for registration o kaha gipadala lamang ug dili gyod ang ginikanan ang nangunay pagpa-register sa bata. Dili gyod kini imong sala ug wala gyod kay kalibotan niini. Ang imo gyong mga ginikanan ang responsable niini tungod kay sila gyod ang dapat nagpa rehistro kanimo. Ug lisod pa gyod ang imong kaso tungod kay ang tibuok gyod nimong pangalan ang nasayop, ug dili sama sa uban nga igo lamang nasayop ang spelling.
Sa akong tan-aw mora og dugay seguro ang process kun ang sa TOR ang imong ipa-correct, mas dali seguro kun magpa-late registration na lang ka kay medyo gamay ra ang problema. Wala lang ko masayod sa exact amount kun pila pa gyod ang magasto sa late registration. Apan dili na kaayo dako. Aron makaseguro ka adtoa na lang ang inyong Local Civil Registrar aron usab maka-inquire ka mahitungod sa dapat nimong andamon ug sa mga butang nga angayan buhaton sa imo unyang pag-file niini.
At kun moadto ka didto makuha gyod nimo ang exact nga informations nga imong gikinahanglan ug dapat nimong masayran.
-- Tita Salie