Pinangga kaayo si Ranel sa iyang mga ginikanan nga sila si Calixto ug Abundia. Tungod kay bugtong lang anak si Ranel. Ila kining gipatungha. Ug nangandoy si Ranel nga mahimong usa ka doktor.
“Papa Calixto ug Mama Abundia kining akong pag-eskuwela para usab kini kaninyo ug akong ikapasalig kaninyo nga matapos gayud nako ang akong pagtungha,†matud ni Ranel.
“Dong Ranel misalig me nimo mao nga paningkamot gyud kutob sa mahimo,†tubag ni Calixto.
“Bisan og igo-igo lang ang atong negosyo nga mga panapton, sapatosan ug sinilasan makasugakod kami sa pagpatungha kanimo,†sagbat ni Abundia.
Sa dihang natapos na si Ranel sa iyang kurso nga usa ka doktor, puwerting lipaya sa magtiayon uban sa ilang bugtong anak nga si Ranel. Para nila dili na masukod ang ilang kalipay.
Nianang sayo sa buntag nananghid si Ranel nga muadto sa Punta Rizal sa Manila kay adto siya sa usa sa inilang tambalanan nga mokuha niya sa iyang serbisyo.
Sa didto na si Ranel sa Punta Rizal sa Manila malipayon kaayo siya tungod kay nisugot man ang iyang mga ginikanan sa iyang mga hangyo. Nakadayeg gayud si Ranel sa iyang mga ginikanan tungod sa kabuotan niini.
Sa pipila ka bulan nga nanglabay nakahandom si Ranel sa iyang mga ginikanan tungod kay taudtaod naman si Ranel sa Punta Rizal sa Manila.
Sa nagkataas nga katuigan sa iyang pagserbisyo sa usa sa sikat nga tambalanan didto sa Punta Rizal, daghan na kaayo siya og mga pasyente.
Pagka-tungang gabii niadto siya sa operating room. Ug sa kalit lang may nibutho nga usa ka dakong alibangbang nga itom ang mosakdapsakdap ni Ranel. Mao nga gibati niya ang tumang kahadlok ug kakulba tungod sa iyang nabati nga balita nga usa ka trahedya sa kadagatan nga ang usa ka barko nga depasaheroan nalunod.
Kalit lang nahanaw ang dakong alibangbang nga itom. Pipila lang ka oras nga nahanaw ang alibangbang itom. May kalit usab nga niabot nga pasyente nga tinabunan sa puti nga habol. Sa pagtukas sa puti nga habol, ningaab si Ranel sa tumang paghilak ug para kaniya mora’g naigo sa kilat ang iyang gibati, tungod kay sa pagtukas sa puti nga habol ang iya man diay’ng pinalanggang inahan.
“Mama Abundia, nganong ikaw pa ang akong na pasyente nga patay na nga akong pinalanggang inahan. Husto...kadto diay’ng dako nga alibangbang nga itom usa diay to ka merida,†matud ni Ranel. (Kataposan)