Hayahay ang Polis - Gula 7

Samtang nag-snack sila si Marie Shiela ug Larry, misugid ang dalaga nga nakapanganti ang iyang amahan nga bun-ogon g’yud siya kun mahisama sa duha niya ka kauban nga nadakpan.

“Bisan og dili pa ako drug user apan naapil nga nadakpan ug gikiha, dili na gayud mapugngan ang kasuko sa akong amahan,” matud ni Shiela. Nakasabot si Larry nganong nagtinguha si Shiela nga makigpanuroy kaniya aron mabugtian ang daku niya nga tabang nga nabuhian ra ang dalaga human sa ilang pagkasikop.

“Unya, dili ka ba makonsyensya nga mouban ka kanako karon sa usa ka deyt?” gisukna ni Larry ang dalaga kay iyang nahuna-huna nga kun mosibog kini sa iyang hukom dili lang niya kini pugson.

Wala dayon motubag si Shiela apan taud-taud nakabaton ra kini og kaisog sa pagtubag. “Sigi lang sir Lar, total dili na man g’yud ko birhen. Nahilabtan na ko sa akong boyfriend nga bag-ohay lang nako nga gibuwagan,” ni Shiela pa.

“Salamat kun mao kana. Sa ato pa, matambalan na gayud ang akong kaibog nimo sa una ko pa lang nga pagkakita niadtong nadakpan mo sa akong mga kauban,” matud ni Larry.

Igo lang mipahiyom si Shiela. Nanggawas sila sa snack houz nga ilang gisudlan ug misakay sila’g taksi. “Sa V. Rama lang mi part maayo kay duol ra,” giingnan ni Larry ang taksi drayber.

Gitunolan ni Larry og tibuok usa ka gatus ka pesos ang drayber. “Isulod lang unya diretso part ha? Pangita lang og bakante nga kwarto,” matud ni Larry. “Ako’y bahala sir,” sa drayber pa nga nakasabot dayon kun asa ang ilang rumbo nga adtoan.

Tuod, misulod dayon ang taksi sa ganghaan sa motel. “Tana,” giingnan ni Larry si Shiela dihang mihunong na ang taksi sulod sa bakante nga grahe ug temporaryo nga gisirad-an sa roomboy ang pultahan.

Nagdali sila si Larry ug Shiela nga misulod sa lawak ug migawas ra ang taksi gikan sa gibuksan pagbalik nga grahe. Dayon gitak-op pagbalik ang pultahan sa grahe sa kwarto nga gisudlan sa duha.

Wala gayud mag-usik og higayon si Larry dihang didto na sila sa sulod. Gigakus niya si Shiela ug wala nay pupananghid nga gihagkan. “Salamat kaayo Shiel, abi nimo naibog g’yud kaayo ko sa pagkakita ko pa lang nimo,” matud ni Larry dihang milunga siya makadiyot sa paghawok ni Shiela.

Gipaundayonan lang ni Shiela ang batan-ong polis. Nasayud si Shiela nga sayop ang iyang gihimo apan agi kini niya og pasalamat sa daku nga natabang ni Larry kaniya nga wala maapil sa pagkapriso.

Gitagbaw ni Larry ang iyang kahinam sa dalaga. - Kataposan