Gula 105
Sulod sa duha ka adlaw ug duha ka gabii, nagtagbaw kami si Daniel sa pagtagay sa dugos sa lawasnong kalipay. Matawag kadto’g pamilin-bilin o panamilit nga panaghilawas kay molarga na man siya sa Manila inigkaugma.
Tuod man, nianang pagkaugma milarga gayod si Daniel. Gihatod ko siya sa siyudad ug hangtod na sa airport. Romantiko ang among pagpanamilitay sa dayon na niyang sulod sa departure area. Wala nako damha miagas ang luha sa akong mga mata bisan dili tinuyo.
Bisan sa akong kakiat, apan masulob-on kong migawas sa airport ug misakay og taxi paingon sa Cebu City. Mederitso ko sa SM City. Pag-abot misulod dayon ko sa McDonalds ug miorder ko’g pagkaon. Samtang nagkaon, gibati ko ang kaluag sa ginhawa. Mora ko’g nakabadbad sa hugot nga pagkagapos. Wala na gyud si Daniel. Makapadayon na sab ko sa pagpakigdula og kalayo uban kang Camilo, ang akong lover boy nga negosyante. Nasayod kong nagpanikad na usab siya.
Pagkahuman nako’g kaon, gitawagan nako si Camilo pinaagi sa cellphone aron pahibaloon siya nga nakalarga na si Daniel paingon sa Manila. Nakaseguro kong malipay gayod siya sa akong ibalita kaniya kay nagkahulogan man kini nga makalugar na usab kami. Ipadayon na usab namo ang among relasyon.
Apan nahisagmuyo ko kay dili nako makontak ang cellphone ni Camilo. Cannot be reach ang iyang number. -- Sumpayan pa