Hubad sa damgo

 Hi Prof. Tata Swami,

Kumusta? May God bless you always. Naa koy ipahubad sa akong damgo.

1. Magsige gyud ko og damgo nga nagsakay og barko nya nalunod, dihang naa nako sa tubig makamata dayon ko, usahay ang tubig lubog ug usahay tin-aw.

2. Magsige sad ko og damgo nga naglangoy sa dagat usahay lubog ug usahay tin-aw ang  tubig.

3. Magsige sad ko og damgo nga nagsakay sa eroplano.

Palihug hubara unsay ipasabot ani kay magbalikbalik gyud ning tulo ka damgo. Best Regards.

—Jun 

Jun,

Kini imong permirong damgo nagkahulugan nga dili malampuson ang imong mga gipamuhat malunod man bisan pag tin-aw ang tubig, naa lang gihapon ang kahugno sa patigayon ug kung manguyab ka, ayaw na lang padayona kay sure gyud ko nga dili ka sugton. Hugno gyud na imong kalibutan ok? Kung nagplano ka’g moabli og negosyo, planuhi og maayo kay basin og mahurot ang imong puhonan.

Ikaduha mong damgo nga naglangoy ka sa lubog nagpasabot nga kusog kaayo ka mosulod og sitwasyon nga dunay piligro… kung naa kay maibgan, siguroha nga way kabilinggan. Kung ang babaye ang mag-una-una bisan minyo or naay uyab, pasagdi! Usahay nindot kaayo ang imong bation aning mga piligro nga mga sitwasyon kay usahay tin-aw man imong langoyon, mura’g gilok kaayo imong pamati.

Ikatulo nimong damgo, kung dili gani mahagba ang eroplano, mao nani ang panahon nga mouswag ang imong patigayon ug matuman na ang imong mga pangandoy.

Amping!  —Prof. Tata Swami  D' Swami (Descendant of Professor Swami)

Pakapin

Episode last June 22, 2013

Professor Tata Swami,

Thanks Professor Tata Swami, I remember sa time nga nagdamgo ko nahingo bag-ang nako pila ka weeks namatay lolo nako.

Sakto sad kaayo ang imong hubad sa damgo ug sa akong gipamati karon. Ako na ni gepa-check up 3 times na. Una pa check up nako nawala unya nibalik, kaduha nako pa check up kay nibalik man resitaan na sad ko tambal naayo na sad unya basta maayo na dili na nako imnon hurot ang tambal unya last month nag pa check up na sad ko kay nibalik nasad geresitaan na pud ko tambal good for 10 days 3 times a week wala na jud maayo until now. Ang sulti sa doctor pabalikon ko pag dili maayo kay pa ultrasound bisan naanay bato ang akong pantog ako lang jud ni gebaliwala kay mobalik mawala ang sakit. Salamat sa imong Hubad sa Damgo Professor. Nalamdagan akong huna-huna dapat jud dili nako ni dugayon.  — SAM   

Facebook page: https://www.facebook.com/BeyonddreamsBYdswami  group page: https://www.facebook.com/groups/beyonddreams.swami/

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].