“U-unsay buot mong ipasabot, Loves?†Gipangutana ko siya. “S-sa unsa?†Misumbalik siya’g pangutana. “Sa imong pag-ingon nga kinahanglang magpahiling na kita og doktor aron atong masayran ang hinungdan samtang sayo pa?â€
“Gusto kong masayod sa tinuod, kun makaanak ba gayod kita o dili kay kun dili man ugaling, dili na lang kita maglaom sa wala ug dili gayod mahitabo. Ug madawat nato ang kamatuoran samtang sayo pa.â€
Tungod sa kagustohan ni Daniel, nagpahiling gayod kami’g doktor. Miadto gayod kami sa Cebu City ug nakigkita sa usa ka espesyalistang doktor nga eksperto mahitungod sa bisan unsang suliran sa magtiayon, lakip na ang bahin sa pagpanganak.
Si Daniel ang unang gi-check up sa doktor. Akoy sunod nga gipailawom sa kuti kaayong examination. Kay sa pagkasunod adlaw pa man namo makuha ang result sa paghiling sa doktor kanamo, mi-check in una kami sa usa ka luhong hotel nga nahimutang sa downtown area sa dakbayan sa Sugbo.
Mibalik kami si Daniel sa clinic sa doctor sumala sa tagal nga adlaw nga iyang gihatag kanamo. Tuod, nakuha na namo ang result ug nasuta nga ako diay ang may depekto. -- Sumpayan pa