Hubad sa damgo

Good day, Professor Tata Swami,

Tawga lang kog the attractive virus. Mangutana lang ko about sa ako mga damgo ug awom. Usahay magdamgo ko ug dagat ug barko, ingon sila ngil-ad daw na. Sa una nag damgo pud ko ana sa wala pa namatay ako manghod, pero tungod kay nahadlok, ako na lang gipaagi sa pag-ampo. Nagdamgo sad ko na nagdagan ko unya naa naggukod nako. About sad sa ako awom unsay buot pasabot anang naa sa ibabaw sa aping ubos  gamay sa mata naa sa wala na aping ug naa pud sa may kilay. Manghinaot  ko nga matabangan ko nimo. daghang salamat. God bless! — A. Virus

A. Virus,

Kini imong pangan nga “attractive virus”, angayan kaayo ni nimo tungod sa imong damgo nga naay maggukod nimo, kay pasabot nga naay naibog nimo sa tago. Dili man ni siya makaistorya, maong gipaagi na lang sa damgo.

Kaning damgo nga dagat, klase klase ang kahulugan niini. Kung dagat nga naay baroto nga naglawig, mao ni ang dili maayo nga damgo kay naay mamatay. Kung dagat nga blue kaayo, nga mura kag mahadlok nga magtan-aw kay pwerteng lawma, mao pud na ang damgo nga naay masakit og kalit lang or unexpected. Pero kung nindot nga dagat nga kalma lang, pasabot nga naa kay gihunahuna karong mga panahona nga murag wa ka kahibaw kung asa ka dapit magsugod. Pag-ampo lang gyud kung naglibog ka sa imong damgo ug kung tan-aw nimo nga dili maayo.

Kini imong awom sa wala nga aping nga ubos sa mata, nagpasabot nga prone kaayo ka sa sakit sa kasingkasing or ikaw ang magpasakit sa nahigugma kanimo. Ang sakit sa kasingkasing nga akong pasabot kay bahin sa gugma ha. Ang makasanta ani imong awom kay ang tinud-anay nga gugma. Kinahanglan ka nga mag-amping kung kinsa ang imong saligan sa imong kasingkasing ug ikaw pud, ayaw pud pagpa-asa og tawo aron dili mobanda nimo ok? Naa pud kay awom sa buko-buko.

Kini imong awom sa may kilay, nagpasabot nga maghunahuna gyud ka sa imong pamilya. Bahala’g dili ka makakaon, basta busog imong pamilya. Amping! — Prof. Tata Swami (D' Swami - Descendant of Professor Swami)

P.S.  Katong gusto magpada og SUWAT, ipadala lang sa address:  Hubad Sa Damgo Banat News Cor D. Jakosalem and V. Gullas Sts. Barangay Sto. Niño 6000 Cebu City, Philippines

* * *

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].