Gula 2
Wala gayud mapugngi ni Lino ang iyang kaugalingon ug nakatutok gayud siya sa hamis kaayo nga paa ni Jonalyn nga angayan kaayo sa gisul-ob niya nga short pants.
“Nakakita g’yud bitaw ko nga nahulog ang pitaka gikan sa imong pagunit. Pwede og imbitahon tika’g snacks diha sa Chow Queen?†giingnan ni Lino si Jonalyn.
Dali ra kaayo nga nagkasuod sila si Lino ug Jonalyn. Nasayran ni Lino nga may gipaabot si Jonalyn nga iyang amiga apan kay wala pa man kini moabot, nagsuroy-suroy lang usa siya sa Fuente.
Nagtagsa sila ka order sa Halo-halo ug maoy gikalingawan nila og higop samtang padayon nagsultihanay. “Maayo kay nakit-an g’yud nimo Lin ang pagkahulog sa akong pitaka,†ni Jonalyn pa.
“Wala ka makabantay nga dihang nagpadulong ka sa akong gibarugan kaganina, nagtutok man ko nimo,†pasabot ni Lino. “Nganong mitutok ka man ‘sab nako nga naglakaw?†gisukna ni Jonalyn si Lino.
Wala gayud molimod si Lino ug gitug-anan niya si Jonalyn. “Layo ka pa gani nadani na ko pagtan-aw nimo kay angayan kaayo ka sa gisul-ob nimo nga short pants. Makadani ang imong bayhon nga makatintal kaayo sa mga kaliwat ni Adan.â€
Mora’g miaksyon og kauwaw si Jonalyn miduko ug gitan-aw ang mubo niya nga short pants. “Maibogon g’yud kaayo mo’g paa no?†matud ni Jonalyn nga nagngisi na. “Wala tingali lalaki nga dili bation og kaibog nga magtan-aw sa paa’s babaye nga maayo kaayo pagkaporma sama sa imo Lyn,†matud ni Lino.
Mitingog ang selpon ni Jonalyn. Gipunit sa dalaga ang selpon ug gitubag ang nanawag. “Dia ko sa restaurant nga tupad sa botika, dia ko’y kauban,†matud ni Jonalyn. Gitug-anan ni Jonalyn si Lino nga ang amiga niya nga si Tonette maoy nanawag.
Wala madugay dunay miduol sa ilang lamesa. Nasurpresa si Lino ka usa diay ka mahuyang ang Tonette nga amiga ni Jonalyn. “Lingkod ug pag-order og imong makaon Tonette,†giingnan ni Lino ang mahuyang.
Nahinumdom si Lino sa gitug-an sa iyang amigo nga usa sa mga ilhanan sa babaye’ng “call girl†mao nga makig-uban kini og mga mahuyang. Gipanid-an ni Lino ang mga lihok ni Jonalyn ingon man ni Tonette.
“Asa diay kamo manuroy ug ang imong amiga?†gipangutana ni Lino si Jonalyn. Wala dayon makatubag ang dalaga ug nagtinutokay usa kini ug ang bayot. “Dinhi ra, libut-libot ra sa Fuente Osmeña kay bugnaw man ang panahon,†matud ni Jonalyn.
Mitindog si Jonalyn ug miadto sa CR. “Net may kaila ka ba nga chicks nga pwede nako ikadeyt,†gipanagat ni Lino ang mahuyang. - Sumpayan