Maria Magdalena Gula 68
Paggawas namo sa Metro human sa pangaon, naglakaw mi paingon sa Metropolitan Cathedral. Didto diay niya giparking ang iyang multicab nga van type. Ug nanakay mi. Gisubay namo ang dalan sa SRP hangtod miabot mi sa Minglanilla. Ug didto ko niya dad-a sa Palm beach resort. Mikuha siya’g cottage nga alang namong duha. Hamugaway ang cottage. May lawak ug may banyo nga limpiyo kaayo.
“Nganong nia man ko nimo dad-a dinhi?†nako pa.
“Maayo dinhi kay walay makadisturbo nato,†maoy tubag.
Samtang nagtan-aw ko sa mga painting sulod sa cottage, kalit lang kong gigakos ni Emilio. Unya giukoban niya ang akong mga ngabil nga gidaitlan sa init niyang mga halok. Sa sinugdan nagpanukmod ko aron unta makalingkawas sa iyang paggakos. Apan kusgan si Emilio nga hugot kaayong migakos kanako. Hangtod nga dihang inanay nga mipatigbabaw sa akong kalawasan ang sensasyon sa iyang gibuhat, inanay kong nalumoy.
Mao na lamay akong naamgohan nga natangtang na ni Emilio ang tanang salimbong sa akong lawas. Kadali ra usab siyang nakahubo. Gipahigda ko niya sa mahunolhunol nga kama samtang giukoban niya ang akong mga ngabil ug ang iyang walang kamot nagsapwang sa akong bukobuko aron inanay ang pagdapat sa akong lawas sa ibabaw sa kama. Mipahimutang dayon siya. Kiat sab kaayo ang iyang mga kamot nga nagpanghiram sa pribadong mga bahin sa akong lawas gikan sa ulo paingon sa tiil. -- Sumpayan pa
- Latest
