Gula 6
“Daug na g’yud si Konsehal Labella?†gisukna ni Gina si Ricky. “Aw Oo, daug na siya pagka bise mayor, gipilde niya og 184 botos si Vice Mayor Young,†dali nga tubag ni Ricky. Giteksan dayon ni Ricky ang iyang agawon nga abogado.
“Iproklamar g’yud na si Konsehal Labella karon kay motan-aw ko,†matud ni Gina nga mitug-an nga wala pa gayud siya makakita og midaug nga kandidato sama sa konsehal nga giproklamar sa Comelec.
Nagpakisusi si Ricky ug nasuta niya gikan ni Election officer Ferdinand Gujilde nga iproklamar gayud si Labella nga mananaug pagka bise mayor. “Kun mohuwat ka Gin, ihatud na lang ‘sab tika kay gabii na man,†giingnan ni Ricky ang dalaga.
Tuod, gabii na kaayo nga naproklamar si Labella nga bise mayor. Walay problema hinoon kay duna may kotse si Ricky nga ilang kasakyan. “Mohapit na lang ta’g kaon Gin kay basin gigutom ka na,†tanyag ni Ricky nga miliko dayon paingon sa Fuente Osmeña.
Samtang nagpaabot sila sa ilang order. “Ngano kaha nga malipay man ko Gin kun magkakuyog ta’ng duha? Unya kun dili ko ikaw makita sulod sa pipila ka oras, mingawon kaayo ko nimo,†giingnan ni Ricky si Gina.
“Pareho diay ta Rick,†matud ni Gina nga milingi kaniya. “I love you Gina, dili na lang g’yud ko magliko-liko pa kay nasayud na man ‘sab ko nga nakasabot ka nga may pagbati ko kanimo,†matud ni Ricky. Wala motingog si Gina kay giparking pa ni Ricky ang kotse didto sa parking area sa Banilad Town Centre. “I love you too Ricky,†ni Gina pa nga gigakus dayon ni Ricky tungod sa naghingapin niya nga kalipay.
Nagparayganay dayon sila si Ricky ug Gina sulod sa kotse. Naswerte sila kay layo sa ubang sakyanan ang dapit nga ilang giparkingan. Daan kini nga gipanagan-an ni Ricky mao nga wala siya moparking duol sa ubang sakyanan.
Nahuna-huna ni Ricky nga dili siya makatoo nga ang babaye nga gilantaw ra niya ang kaanyag kagahapon karon iya na nga nagakus ug nahagkan. Nanumbalik sa kaisipan ni Ricky nga kagahapon gilantaw ra niya ang kaanyag ni Gina didto sa halayo.
Gitagbaw og maayo ni Ricky ang iyang kaugalingon. Gisupsop pag-ayo ni Ricky ang matam-is nga mga ngabil sa dalaga. Gipaundayonan ra usab ni Gina ang ulitawo nga daw nagbaga ang pagbati kaniya.
“Hinay-hinay ra uy kay mora ka man og nagdali nga adunay naggukod,†giingnan ni Gina si Ricky. “Gigutom ka na ba Gin?†gisukna ni Ricky ang dalaga. Igo lang milingo-lingo si Gina mao nga gipadayon nila ang pagparayganay. "Kadali ra nato nagkarelasyon no? ni Gina pa. - Sumpayan