“Pamatia una ko ninyo kay pasabton ko kamo sa tanan,†ni Brader Daniel pa. “Wa koy sala niining hitaboa. Tuohi ko ninyo.â€
“Igo na sa imong pagpangulipas,†sakgaw ni Mama Linda. “Kinahanglang bangonon mo ang kadungganan ni Maria nga imong gipuong. Kinahanglang pakaslan mo siya kay kun dili, mapugos kami sa pagpasaka og kasong rape batok kanimo.â€
Mora’g nahugno si Daniel kay wala man gyud siya paminawa sa akong mga ginikanan ug ni Padre Jeho. Midaog gyud ang akong lansis ug pagpamakak. Naluoy ko ni Padre Jeho tungod kay nasayod ko nga nauwaw usab siya kanamo. Naluoy sab ko kang Brader Daniel kay wala man gyud siya’y sala sa nahitabo kanamo. Apan mipatigbabaw ang dako kong tinguha nga mapugos siya sa pagpakasal kanako busa gibalewala ko ang dikta sa akong konsensiya.
Paspas kaayo ang dagan sa mga panghitabo human niadto. Naukay ang katawhan sa Barili kay imbes nga ilang makit-an si Brader Daniel nga makig-uban kanamo kalit lang kining nabaraw. Malipayon kaayo ko. Apan masulob-on kaayo si Brader Daniel nga mipauli sa ilang pinuy-anan sa Bohol aron sultihan ang iyang mga parents sa among kasal.
Ug nakasal gyud mi si Daniel. Human sa among kasal, mihukom kong motipon kami si Daniel sa pagpuyo sa balay sa akong mga ginikanan. Kay ako na man lang usa ang anaa nabilin nilang mama ug papa.
Walay maayong tinagdan si Daniel kanako. -- Sumpayan pa