“Kaseksi nimo Ging uy, maglaway g’yud ning akong amigo nimo,†nagngisi si Rico nga mikomedya sa iyang barkada.
Nagpahiyom ‘sab si Renante nga nagpasiklap ni Gingging. Tinuod g’yud ang giingon sa iyang amigo nga si Rico... gwapa g’yud si Gingging ilabi na nga nagsul-ob na kini pina-insert nga T-shirt.
Nangabot ang uban nga mga barkada nila ni Rico ug Gingging. Hinay-hinay sila nga nanglakaw subay niadtong sagboton na nga karsada ug si Gingging ug Renante ang nagsikit sa pagpanglakaw.
Nagkomedyahay sila. Nakasabot ang ubang barkada ni Gingging nga may pagtan-aw ang ilang bisita nga si Renante ngadto sa ilang amiga.
Didto sa kalingawan, panagsa ra nga makigpares si Gingging sa ubang mga lalaki nga gusto nga makigsayaw kaniya. Diha pa gani higayon nga nananghid si Gingging ni Renante nga makigsayaw siya sa lain.
Nakabantay si Renante nga ang mga barkada ni Gingging nagsigi og pasiplat kanila, apil na si Rico nga kanunay’ng nagpahiyom nga nagtan-aw kanila.
“Panayaw n’ya mo bai Ren ha? Duna ko’y gibayran nga sweet music,†ni Rico pa. “May sweet music pa diay dinhi sa inyo Ging?†gipangutana ni Renante ang dalaga.
“Naa pa may panagsa nga sweet music kay probinsya man gud. Dili sama didto sa siyudad,†ni Gingging pa. Taud-taud mitugtog ang sweet music.
Nakita ni Renante nga gikamay sila ni Rico nga pasayawon na. “Sayaw na mo bai Ren!†matud ni Rico dungan sa sinyas sa iyang mga tudlo. Misayaw tuod sila si Renante ug Gingging dungan sa tugtog “Torn Between Two Lovers.†Nakalitan si Renante kay sa dayon pa lang niya paggakus ni Gingging aron mosayaw sila, mitugkad dayon sa dughan ni Renante ang duha ka bungtod sa dughan sa dalaga.
Lain kaayo ang gibati ni Renante. Taud-taud, nakabatyag na usab si Renante nga panagsa magbag-id ang masi’g nila ka tiyan nga nakapasamot sa kalalim nga iyang gibati.
Walay tingog-tingog sila si Gingging ug Renante samtang nagsayaw. “Kanindot nimo sayawan Ging uy. Maayo unta kun wala nay pagkapupos ang pagtugtog niining maong awit para dili mahunong ang akong paggakus nimo,†giingnan ni Renante si Gingging.
Mitutok si Gingging kang Renante. “Sa uban dili man ko magpapiit, sa imo ra ko nagpagakus,†matud ni Gingging nga mipahiyom. Miginhawa’g lawom si Renante nga nakadungog sa gisulti ni Gingging.
“Na in-love man dayon ko nimo Ging. Kuyaw og maminyo ko’g taga Catmon ani,†sagol komedya ni Renante ngadto sa dalaga. Hapit wala na sila makabantay nga napupos na diay ang sonata. (Sumpayan)