Probinsiyana
Gula 2
Layo pa gani sila si Renante ug Gingging apan nagngisi na si Rico nga misugat kanila. “Unsa ka man bai Ren, nangagad ka na ni Gingging kay ikaw na may nagpas-an anang usa ka container nga tubig?†wala dayon kapugngi ni Rico ang pagkomedya sa iyang higala.
“Asa dapit ang inyong balay Ging kay ako na lang ni nga ihatud ang usa ka container nga tubig kay bug-at ni para nimo uy,†gipangutana ni Renante ang dalaga. “Kana’ng balaya bai Ren, mao na ang ila ni Gingging,†ni Rico pa dungan sa pagtudlo sa balay.
Gipasalamatan ni Gingging si Renante sa pagtabang kaniya pagpas-an sa usa ka container nga tubig. Gitunol ni Gingging ang bag ni Renante nga iyang gidala.
Mibalik si Renante sa nahimutangan ni Rico nga nagpaabot kaniya. “Tana bai, kana sa unahan ang among balay,†gitudlo ni Rico ang usa ka balay nga nahimutang daplin sa bungtod.
“May boyfriend na ba kana si Gingging bai Ric?†ni Renante pa nga ingon sa gusto masayod mahitungod ni Gingging. “Mora’g naibog ka ni Gingging bai no?†nagngisi si Rico nga milingi sa iyang amigo.
Gisuginlan ni Renante si Rico nga nakadayeg kaayo siya kang Gingging kay bisan og babaye, usa ka dalaga, apan mipas-an kini og bug-at kaayo nga container nga puno sa tubig.
“Ingon ana g’yud na dinhi sa bukid bai nga dili arte ang mga babaye. Maayo nga anhi ka mangita’g pangasaw-onon bai,†giingnan ni Rico ang iyang higala.
Giabi-abi ni Rico ang higala. Taud-taud, gisangpit na sila sa inahan ni Rico kay andam na ang pagkaon. “Tana bai Ren kay hapiton nato sila si Gingging, mangadto ta sa Ilum kay may kalingawan ron.â€
“Angayan man mo kaayo si Gingging nga nagkuyog ganina dong,†gikomedyahan sa inahan ni Rico si Renante. Igo lang mipahiyom si Renante. “Ako bitaw giingon si bai Renante nga panguyaban niya’s Gingging,†gisugnoran pa g’yud ni Rico si Renante.
Alegre ang ilang panihapon. “Makatabang ko nimo dong nga sugton ka ni Gingging kay kumpare nako ang iyang amahan,†dugang pamahayag sa amahan ni Rico.
Tuod, human nila’g kaon hinay-hinay na sila nga milakaw paingon sa gamay’ng hawan atubangan sa daghang balay. Mihimo si Rico og tihoy samtang nag-atubang sa balay nila ni Gingging.
“Mao na’y among sinyas dinhi bay kun magtawganay mi nga mga barkada,†pasabot ni Rico sa iyang higala. Tuod, nakadungog usab sila’g tihoy gikan sa balay nila ni Gingging.
“Kadungog ka bai, si Gingging ron ang mibawos sa pagtihoy,†matud ni Rico. Taudtaud, nakita nila nga naglakaw na si Gingging paingon sa ilang nahimutangan. – Sumpayan
- Latest
