Color

 GUD AM PROF,

Sayo sayo gyud ko mata ron kay nagsagunson gyud akong mga damgo rong buntaga puro gyud bati mao nakamata ko kay poy2 akong lawas ilabi na akong batiis nya bug-at kaayo akong paminaw...

1st: Anyway sagol2 gyud akong damgo, naay naglakaw ko padung nako uli nya naay duha ka iro di ko sure unsay color, murag black ug puti, akong giingnan ang tawo nga moagi ko unya kuhaa ang iro kay basin mamaak, ingon cya dili daw, mao to gapadayon kog lakaw, niduol man na ang duha ka iro prof kay padung og paak, giatbangan ko sa duha pero ang puti nabugaw nako, ang itom gyud kay dili gyud mabugaw napaakan gyud ko sa lubot prof......

2nd: Another scene prof, padong nsad kog uli nya sa atbang naay nagbangga, dili auto dako2 pa, nya ang mga tag-iya padung magbagay mao nga gadali2 kog uli, pagsud nako sa pultahan galisod kog sara pero nasara ra gyud nako, pagsaka nko sa taas abli man diay ang bintana prof as in ang tanan gyud abli nya dagko rba kaayong mga bintanaa wide open kaayo, nakalitan gyud ko prof kay naay nikat2 sa bintana usa sa akong player dri sa computeran, ako siyang gibadlong pero nakasaka naman siya, nakasud gyud siya, nisunod bitaw na katong usa sa nagbangga nikat2 pod. kuyawan kaayo ko, pagkat2 kay amerkano man pero gabinisiya, magpasensiyo cyag 200, nagkuha kog 5 ka 20 unya 2 ka 50 pero iyang gihatag nga P200 kay 5 pod ka 20 mog 100 tibuok, pasensiyo pata siya’g P1k pero nibalibad nko.-Jaq

* * *

Jaq,

Kining imong damgo nga naay nipaak nimo nga iro nagpasabot nga naa kay higala nga imong makasumpaki.  Busa paglikay sa mga away ok? Ayaw na lang og comment kung naay magkinahanglan sa imong comment. Duot sa bukog pud ni ang kasuko sa maong tawo kay lubot man gyud ang gipaak nimo. Ka alegre aning iro-a, lubot man gyud ang puntirya! Pasabot nga init kaayo nig ulo ning tawhana, basin dili ni siya makasanong sa imong mga binuang. Kay imo pa man gyud giingnan nga kuhaon, pasabot nga dili ka gusto ug gubot, pero kay gipaak man gyud ka, naa gyuy dili makadawat og mga jokes. Busa bantayi imong mga isulti ok?

Kining imong ikaduhang damgo, nagpasidaan ni nimo ug sa imong pamilya nga magbantay sa mga tawo nga gustong mosulod sa inyong kinabuhi. Posible pud kaayo nga naay gustong mangawat sa inyong mga kabtangan or property.

Pag-amping gyud mo kay open kaayo ang inyong kinabuhi ug ang inyong panginabuhi. Naa puy tawo nga gikan sa laing nasud nga gustong moapil gyud sa inyong kinabuhi.

Naay maayong tawo ug dili maayo ang gustong mosulod sa inyong pamilya, busa tan-awa usa gyud og maayo usa ninyo ihatag ang inyong 100% nga pagsalig. Makabantay man hinuon ka kung kinsay maayo ug dili kay sa panahon nga magpasensiyo pa unta siya ug 1k, nibalibad naman ka. Amping!  —Prof. Tata Swami

* * *

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana  ni Tata pinaagi sa: [email protected].