Dear Tita Salie,
Maayong adlaw. Tagoa lang ko sa pangalan nga Ms. Taurus. Dunay duha ka mga anak ug dunay live in partner. Taudtaod na ang among panag-uban apan wala pa gyod mi makasal. Apan alang kanamo mora na mi og tinuoray nga minyo. Kaso lang dili pa legal tungod kay wala man kami papel aron among mapamatud-an ang among kaminyoon.
Wala pa gani mi nakasal, Tita, apan karon nagbulag na mi. Maglibog man god ko niining akong ka-live-in kay mahitungod sa pagkaon sa among pamilya good provider siya. Unya iya usab ako nga hatagan sa akong pangayoon kaniya ug sa akong mga gikinahanglan. Pinangga usab kaayo niya ang among mga anak.
Ang dili lang gyod nako ganahan sa akong partner mao ang iyang sobrang pagka seloso. Mosugot ra man ko nga magselos siya kay natural lamang kini. Bisan ako magselos man usab. Pero usahay wala na sa lugar ang iyang pagka seloso ug kasagaran iya kong dapatan kun mag-away na mi. Dili gyod siya maluoy nako nga iyang pasakitan. Mao nga naglibog ko kun mahal ba kaha ko niining akong partner. Palihog pasabta ko. Daghang salamat sa imong pagtagad. More power and God bless.
* * *
Maayong adlaw usab, Ms. Taurus,
Ang uban moingon nga kun magselos ang usa ka tawo buot ipasabot nga nahigugma siya, “sign of love†kuno ang seloso. Kay kun dili ka magselos ug wala kay pakialam wala ka mahigugma.
Apan aduna say moingon nga dili maayo ang selosa o seloso kay timaan kini nga wala kay salig sa tawo. Kun wala kay salig kaniya timaan lamang nga wala ka mahigugma sa tawo kay kun nahigugma ka, imo gyod siya nga pinili ang tawo nga imong gihigugma. Ug kun imo siyang pinili “the best†gyod siya nga tawo ug kasaligan. Pero since wala kay salig kaniya, dili gyod siya kasaligan ug nagpamatuod lamang nga wala siya nimo higugmaa.
Makalibog gyod tinuod ang gugma, mao nga usahay makapangutana gyod ta kun unsa gyod ang gugma, unsa gyod ang tinuoray nga gugma.
Nahigugma gyod seguro kanimo ang imong partner. Ang nakaapan lang kay insecure siya, wala siya’y salig sa ilang kaugalingon. Ug naingon siya niini dili iyang kabubut-on nagsugod kining tanan sa dihang anaa pa siya sa sabakan sa iyang inahan.
Kun kaya pa nimo nga makigbalik kaniya baliki siya ug tabangi nga maayo ang iyang pagka seloso. Dayga siya kanunay sa tanan niyang gibuhat nga maayo kanimo. Isulti kaniya kanunay nga mahal nimo siya nga dili kana makakita pa og pareha niya ka buotan. Pasalamati kanunay ang iyang pagka good provider. Ug sa kataposan hangyoa siya nga magpakasal namo aron ma-secure siya uban kanimo. -- Tita Salie