Nalum-it ang nawong sa kutson human ibundak ni Luis ang iyang sampot. Nasiak ang kahilom nga gigisi sa iyang kasuko. “Unsa, mikuyog na sab si Inday niadtong nanghantok niyang uyab? Nganong imo man intawon siyang gitugtan, Libya?â€
“Ay, kanimo, Luis. Mora baya kag wa makaagi og kabatan-on. Dili maayong prisohon ang pagbati sa atong anak. Kay delikadog magtagotago o magrebelde. Pasagdi nga hatagan tag kagawasn ang iyang kasingkasing sa pagpili kinsay higugmaon?†Pahayag sa asawa nga mitupad paglingkod sa bana.
“Apan usa ka adid-adik kanang trato ni Inday, Libya. Duha na ka beses nga giparehab sa walay dyewels niining mga ginikanan. Tan-awa kining nahipos kong fax message nga gi-adres sa maru ngadto sa atong anak.†Gibukhad ni Luis ang pinilong papel. Unya gihagad ang asawa sa pagbasa, diin ang nahisulat mao kining mosunod:
“Paliti kog bulawang kuwentas ug bracelets, Inday, bi! Dato bitaw mo.†Haskang hayblara ni Luis nga nagsigeg balik-yawyaw sa maong mensahe. “Klaro kaayong hantokero ang maong lalaki, Lib! Gani, ang bank book ni Inday nga akong naukayan, gamay na lag sulod.†Mitualsik ang laway sa kapungot.
“Ay, kanimo, Luis.†Pabiling kalmang tingog sa asawa. “Si Niko, kinsa maoy nailhan mo kaniadto, dili na mao ang Niko karon. Kun si Niko kanhi, nagumon sa gidiling drugas. Karon, nahibalik na siya sa iyang normal nga panghunahuna. Dili na siya adik, Luis!â€
Mao kini ang bug-at nga rason nganong dakong supak si Luis ning pakigrelasyon sa bugtong nilang anak ngadto kang Niko. Gawas nga dili maayog kahimtang sa pamuyo ang mga ginikanan sa ulitawo, grabe pa gyod kini ka-adis-adis kanhi. Apan, ambot, unsang pagka unsaa nga boto man kaayo si Libya ni Niko? Imbes panghimaraoton, gidapigan man nuon? Mao ra gyod ni ang pirmeng lalisan ug sumpakian nilang magtiayon.
Hinuon, sukad pa niadtong bata pa si Inday, kanunay kining labanan ni Libya. Matag yugto nga bunalan kini, pirmeng sagngon sa inahan ang palad sa amahan nga modagpi unta sa sampot sa anak. Sa laktod, nagtubo si Inday nga dinapigan pirme sa iyang mommy Libya.
Mga talan-awon kini nga nanumbalik sa hunahuna ni Luis. Na-spoiled si Inday tungod sa dinad-an ni Libya. Hinungdan, nga dili gyod kini motuo ni Luis bisag unsao’g badlong. Hagbay rang giawhag sa amahan nga pabulagan ang wala’y kuwentang uyab. Apan wala siya paminawa. Nagpadayon gihapon kini sa pagpunay’g kuyogkuyog ni Niko sa mga dapit nga gihimong paraiso sa mga batan-on.
Kaanugon sa pagpaningkamot ni Luis nga mahimo silang adunahan nga para unta sa bugtong nilang anak. Kaanugon sa iyang kahago nga mahipunta lang sa linalang, kinsa giisip nga usa ka hugaw’ng sagbot sa katilingban. Nakumot ni Luis ang fax message dihang...
Mikiring ang telepono sa ilang sala. Dali kining gipunit ni Luis ug gitubag. Unya, kalit lang mihulma sa iyang nawong ang dili matukib nga kahingawa. Paspas nga gibutang ni Luis ang telepono ug mimandar sa asawa: “Libya, dali! Kuyog nako, karon ... karon dayon!!!†Naputos sa kahadlok ang maong tingog. Si Libya natakdan. Gikulbaan sab. Naglumba sila’g lakaw sagol dagan paingon sa giparkingan sa ilang brand new nga BMW.
Naabot gilayon sila sa dapit nga maoy nanawag kanila sa telepono. Sulod sa lawak sa 5 Star Hotel, may lima ka pulis nga nag-alirong sa usa ka patay’ng lawas sa lalaki nga nag-umog sa kaugalingon niining dugo kang kansang tiyan ug ulo natusaktusak sa mga bala. Ubos sa kama napasad ang daw nausik nga puting pulbos dulog sa mga ginadiling paraparnalyas nga gukdonon sa mga balaod.
Wala makalihok ang magtiayong Luis-Libya sa ilang gibarogan samtang nagsud-ong sa maong dugoon nga hitabo. Ug naigking sila dihang ang hepe sa kapolisan adunay gitudlo nga babayeng pinosasan tumong gyod ni Libya dungan ang pag-ingon:
“Hala, inahan, anaa ang imong anak. Ug anak, anaa ang imong inahan.†Igsuon ni Luis ang maong opisyal sa military, kinsa sama ni Luis, dako pong supak sa pakigrelasyon ni Inday ning tawong adik nga namatay. (Kataposan)