Walay gibalibaran

Dear Tita Salie,

Have a wonderful day and how are you? I hope you are always in good health. I am very happy, Tita, nga nakadiskobre ko sa imong column kay at least duna koy kapangayoan og tambag.

Sa tinuod lang bag-o lang gyod ko nga nakabasa sa imong column, ug first time pa lang gani nakong basa niini mora og ganahan ko sa imong mga tambag, ug duna koy nakat-onan. That is why I am sending you this problem of mine. I hope nga imo kong matabangan.

Just call me Ms. Virgo, I am still single and my problem is about my lovelife. Seguro dil ka makatuo nga dunay babaye nga sama kanako, Tita. Sa tinuod lang usahay gyod dili usab nako masabtan ang akong kaugalingon kay usahay morag buotan ko apan usahay usab may pagkakalogon og utok.

Duna koy boyfriend, Tita, 4 sila ka buok. Duna koy nauyab last November 9, 2009, ang usa March 28, 2011, naay lain nauyab nako May 3, 2011 ug ang ikaupat pagka Agosto 14, 2011.

Ako silang gisugot, Tita, kay duna man koy feelings nila. Sa tinuod lang, silang tanan nanguyab nako ug wala koy gibalibaran tungod kay ganahan man ko nila. Total dili pa ko minyo so, puyde pa ko mangolekta.

Pero karon, Tita, niabot na ang time nga naglibog na ko kun unsaon ni nako sila. Unsa may akong buhaton ug kinsa may akong pilion? Palihog pasabta ko. Thank you.

* * *

Hello,

I just want to ask you kong unsay imong plano sa imong kinabuhi. Unsay imong plano niining 4 ka mga lalaki nga imong gitigom karon.

Sa akong tan-aw imong gisunod ang ilang giingon nga “collect and select.” Apan naunsa ka man nga kamao kang ni-collect pero karon dili man diay ka makamaong mo-select. Segurado ka ba nga nindot kaayo og klase kining imong mga gipangpili? Segurado ka ba nga sila gyod ang dapat nimong pilian? Ayaw kalimti nga silang upat puyde pa nimong ilisan, puyde pa nga dili sila ang imong pilian kun sa imong tan-aw dili sila kapasar sa imong standard ug wala sila masulod sa imong ideal man.

Apan kun sa imong tan-aw anaa na kanila ang mga hiyas sa lalaki nga maoy imong gusto nga ikauban sa imong kaminyoon, pwes, timbang-timbanga og maayo kun kinsa gyod kanila ang mas ganahan ka.

Dili ko makasulti kun kinsay imong pilion, apan dapat nimong hunahunaon nga ang kaminyoon is a lifetime commitment. Meaning dili puydeng i-uli kun dili na ka ganahan ug imong ilisan. Busa pilia pag-ayo ug ayaw pasagdi ang imong kasingkasing nga maoy mopili kun dili ubani kini sa imong maayong rason aron iyang makit-an ang kamatuoran. –

- Tita Salie