Gula 104
Apan kalit lang naputol ang kamaduloton sa pagbasa ni Vanessa sa dihang may nanuktok didto sa luyo sa palid sa pultahan sa iyang kuwarto. Gidali niya pagbalhin sa laing website ang computer.
“Vanessa?â€
Nabati ni Vanessa ang tingog sa iyang inahan nga nagsangpit kaniya.
“Vanessa, paniudto na,†matud sa iyang mama Benida didto sa luyo sa pultahan.
“Mosunod na ako, Ma,†ni Vanessa dayong patay sa iyang computer. Human niya gi-off ang computer midali siya paggawas sa iyang kuwarto ug mipadayugdog paingon sa kusina.
Nianang pagkagabii, samtang nagpahulay si Vanessa sulod sa iyang kuwarto ug naminaw usab og music sa ipod kansang mga awit ug mga huni pulos mga lovesongs. Napugwat siya dihang may nanuktok sa pultahan. Ang iyang inahan maoy diha sa gawas ug mipahibalo kaniya nga dunay siya’y bisita.
“Kinsa man, Ma?†nagpakisayod siya.
“Si Albert,†mubong tubag sa iyang mama Benida. “Atua siya sa sala naghulat kanimo.â€
Pagkadungog ni Vanessa sa ngalan ni Albert kalit kaayong mihakop kaniya ang tuman nga kakulba. Kusog kaayo ang butokbutok sa iyang dughan.
“Gawas na diha ug atubanga ang imong bisita,†matud sa iyang mama Benida. -- Sumpayan pa