Catarman, Cordova, Cebu
Nakasaksi si Rosalinda sa gibuhat sa iyang amahan ngadto ni Junryl sa pagkulata sa iyang hinigugma. Kay dili madawat sa ginikanan ni Rosalinda nga mahimong hinigugma si Junryl tungod lang kay usa ka mag-uuma ang pangita niini.
“Papa Condrado, ayaw hilabti si Junryl tungod kay gihigugma ko siya. Igo na ayaw ko pakit-a nga mabun-og si Junryl kay sakitan ko nga magtan-aw kaniya. Ayaw palabi sa imong pagkamapahitas-on kay ang bahandi dili madala sa kamatayon. “Ang kuwarta dinhi sa kalibutan usa lang ka dayandayan ug hinuktoki kini pag-ayo,†ni Rosalinda nga nidanguyngoy sa paghilak.
“Rosalinda. Kana pa nga matang sa lalaki ang imong higugmaon?,†ni Condrado pa nga nagpaminti sa kalagot ni Rosalinda.
Sa panaghigugmaay nilang Rosalinda ug Junryl adunay nabantayan si Junryl nga adunay kasuko pag-ayo kaniya, butang nga mao karon ang iyang gihunahuna pag-ayo. Apan sa kadugayon nilutaw ra ang matuod tungod kay ang inahan ni Rosalinda nga si Kulasa nitug-an nga dakong karibal sa gugma ang amahan ni Junryl sa mga batan-on pa sila.
“Mao diay Rosalinda nga nagdumot ang imong amahan kanako ug giangin lang ang atong pagminahalay tungod lang sa ilang panagribal sa gugma sa imong inahan kaniadto,†ni Junryl pa nga nakapanglingolingo.
“Oo, Junryl, atong ipakita nga molambo ta pinaagi sa atong paningkamot, ug dad-a ako bisa’g asa aron akong ikapamatuod kun unsa ang dako kung gugma diha kanimo,†tuaw ni Rosalinda.
Dili lang usab mahibaw-an motaas usab ang katuigan nga gikan nanimpalad sa laing siyudad wala lang hibaw-i nga nakuwartahan na sila si Rosalinda ug Junryl tungod sa ilang negosyo nga prutas ug mga lagutmon.
“Rosalinda taudtaod naman kitang wala makakita sa imong ginikanan unsa na kaha ang ilang kahimtang,†ni Junryl.
“Bitaw Junryl sakit kaayo manulti mura’g way kamatayon. Ang iyang gihunahuna ang karon lang. Ang umaabot nga padulong sa katigulangon wala gyud niya hunahunaa,†tubay ni Rosalinda.
“Usa ka adlaw niana human sa ilang paniudto nila ni Rosalinda ug Junryl may kalit lang nibutho nga usa ka tigulang lalaki nga puwerting lagoa ug nangayo kini og pagkaon.
“Day, Dong tagai ko ninyo og pagkaon gigutom ko maluoy intawon mo nako,†matud pa sa tigulang lalaki.
“Papa Condrado, I...ikaw?†Pero yuna pa hain man si Mama Kulasa,†sukot ni Rosalinda.
“Rosalinda, gibuwagan ko sa imong inahan tungod sa akong mga bisyo ug nia usa na ako ka makililimos ug pasayloa intawon ako sa akong pagkamapahitas-on,†ni Condrado.
“Papa Condrado wala ko magdahom nga mao kini ang mahitabo. Pero sultihan tika sa among pinanumpaan ni Junryl nga mag-unong kami sa kamatayon,†matud ni Rosalinda. (Kataposan)