Gula 6
“Naghuna-huna ka na ‘sab tingali sa imong mabudhion nga boyfriend Faith… Ayaw na paghuna-huna niana Faith,†gipikpik ni Glenn ang abaga sa maestra. Apan milugmaw na g’yud hinoon ang mga luha ni Faith.
Giagbayan ni Glenn ang batan-on nga maestra. Wala makasabot si Glenn sa iyang gibati. Nagsagol ang kalooy ug ang misugod na sa pagsubol nga pagbati sa iyang kasing-kasing.
“Ayaw kalimot nga luyo sa imong kagul-anan Faith, dia ako sa imong kiliran andam kanunay nga motabang kanimo,†ni Glenn pa sa maaghop kaayo nga tingog.
Nakita ni Glenn nga nagdungan pagpangambak ang luha sa mga mata ni Faith. Mibakho si Faith nga nakadungog sa undanon ug salabtonon nga gisulti kaniya ni Glenn.
Wala tuyoa ni Glenn nga nadala siya sa sitwasyon. Anam-anam niya nga gipasandig si Faith sa iyang dughan samtang gigakus niya ang batan-ong maestra.
“Kun mahukman gani nimo nga talikdan sa hingpit ang imong boyfriend Faith, moaplay ko nga mahimo nimo nga bag-ong boyfriend ug akong ipasalig nga dili ko ikaw pahilakon,†ni Glenn pa.
Wala damha ni Glenn nga nahakatawa si Faith nga nakadungog sa iyang giingon nga moaplay siya aron mahimong boyfriend sa gwapa nga maestra.
“Imo lang g’yud ko nga gibinuangan ug gikomedyahan Glenn para mokatawa ko,†paraygon kaayo ang tingog ni Faith. “Wala ko magkomedya Faith, dili ko kalimdan ang akong kaugalingon.. I love you.â€
Mitutok si Faith kang Glenn. “You know Faith, sa una pa lang nga pagkakita nako nimo, nakabatyag dayon ko og talagsaong pagbati mao nga naninguha ko nga makakuha sa imong contact numbers,†pasabot ni Glenn sa maestra.
Wala makatingog si Faith. Taud-taud mora’g nakabaton na kini og gahum sa pagsulti. “Basin imo lang gipahimuslan ang higayon abi kay wala na ko makagusto pa sa akong boyfriend.â€
Nadip-ig ang masi’g nila ka lawas ug nabatyag ni Glenn ang dinagaang sa lawas ni Faith. Inanay nga nakasugnib kini og talagsaong kainit sa iyang pagbati.
“I love you Faith, I love you,†hagawhaw ni Glenn sa dunggan sa dalaga. Wala pugsa ni Glenn ang maestra nga sugton siya sa mao nga higayon.
Giagni ni Glenn si Faith nga manayaw sila pagbalik. Mas enjoy na kaayo silang duha sa ilang pagsayaw. Bisan wala pa sugta ni Faith si Glenn apan susama na gayud sila sa tinuod nga maghigugmaay.
“Uy, kaadlawon na man diay Glenn, lapas na sa alas dos sa kaadlawon. Gisirad-an na ko karon sa lodging house,†ni Faith pa nga ingon sa mabalak-on. (Sumpayan)