Ginerbiyos si Judge Isaac Lusong dihang gipalingkod siya sulod sa conference room sa Cardinal’s Palace. Bugnaw na ang aircon sulod sa lawak karong buntaga. Apan natumog na siya sa singot. Kuyog niya iyang tulo ka apo nga sila si Zaldy, 7 anyos; Vincent, 8 anyos; ug Warren, 9 anyos.
Gituyo gyud niya’g pakuyog ang tulo ka apo nga puro well-behaved nga mga bata. Aron malukmay ang Cardinal. Kay duna ihangyo ang huwes sa Cardinal.
“Make yourself comfortable, judge. The Cardinal will be with shortly†matud sa madre nga maoy sekretarya sa arsobispo sa probinsiya sa Alhoda.
Ang Roman Catholic Church nipasang-at og kasong administratibo batok ni Judge Lusong. Gross ignorance of the law. Dunay yuta nga napalit sa simbahan. Tuig 1945 pa. Apan tax declaration lang ang nabalhin sa ngalan sa simbahan. Duna nay titulo unta ang yuta. Apan nasunog panahon sa Ikaduhang Gubat sa Kalibutan.
Si Sonia Bunot anak sa managtiayong Rita-Isidro maoy nagbaligya sa yuta ngadto sa simbahan. Sa panabang sa usa ka abogadong bilyako, nakapalusot si Sonia og titulo sa yuta sa ngalan niya. Nipasaka siya og kaso batok sa simbahan. Ang kaso nasang-at sa Regional Trial Court diin si Judge Lusong ang huwes. Napildi ang simbahan. Gimandoan sa huwes ang simbahan nga iuli ang yuta ngadto ni Sonia.
Niapelar ang simbahan sa Court of Appeals. Nidaug ang simbahan. Niapelar si Sonia sa Supreme Court. Napildi si Sonia.Karon, ang kagamhanan sa simbahan nakahukom nga ipataktak sa serbisyo si Judge Lusong. Di pa siya retirable. 65 pa iyang edad.
Nahadlok si Judge Lusong nga di makaretiro og tarong. Kay wa na unya siyay mapupho nga minilyon. Nakahukomn nga magpabaga sa iyang nawong, atubangan sa Cardinal. Mangayo siya’g pasaylo. Total, na-reversed man iyang sayop nga hukom nga binayran ni Sonia.
“Good morning, His Eminence†sa huwes pag-abot sa Cardinal. Niamin ang huwes ug niluhod sa atubangan sa pari. Nagpahiyom ang Cardinal. Gisenyasan sa huwes iyang mga apo nga mangamin. Naglumba ang tulo og duol ug luhod atubangan sa Cardinal. “Who are these boys?†sa Cardinal. Nakapahiyom. “Akong mga apo, Your Holiness†sa huwes nga mapahiyomon. Gipaamin sa Cardinal ang mga bata. Gitagsatagsa hapuhap ilang mga ulo. “Cute little boys†sa Cardinal nga mapahiyomon. Nilingkod sa lingkuranan tungod sa tumoy sa lamesang taas sulod sa lawak.
“Unsay akong ikaalagad nimo, judge?†sa Cardinal dihang nahimutang na. “Mangayo ko’g pasaylo, Your Holiness. Hinaut untang iatras ninyo ang kaso batok nako. Di unya ko ka-retire†sinsero nga pulong sa huwes. Nagminghoy. “Hmmm†sa Cardinal. Nihapuhap sa iyang suwang. Nipasiklap sa tulo ka inosenteng bata. “Well, I’ll try to convince the committee to withdraw the case†sa Cardinal. Nitindog. “Salamat kaayo, Cardinal. Salamat†ni Judge Lusong. Daw kahilakon. Niduol sa arsobispo. Niamin pag-usab. Kagaksonon sa pari.
“But repetition of the same mistake in the future. I am warning you, that I may not be able to help you again’ sa Cardinal pagdayong gawas sa pultahan. “Yes, Your Holiness. I promise not to repeat the mistake†sa huwes. (Kataposan) (Sa gusto’g libreng konsulta, dad-a ning pahina sa sugilanon sa opisina sa tagsulat, sa Sabado’s buntag.)