Kaguwapa ni Ma’am
Gula 2
“May mireklamo diay sa kauban nako nga maestra? Hala, magka-problema g’yud siya ana,†matud sa batan-ong maestra nga nahigala ni Glenn.
Nahigala ni Glenn si Ma’am Faith. “Sigi Glenn, magklase na ko ha. Sayo man gud magsugod ang Science class,†pasabot ni Ma’am Faith. Gisundan pagtan-aw ni Glenn ang batan-ong magtutudlo nga misulod na sa iyang classroom. Mora’g nagpanilap si Glenn nga nagtan-aw sa porma kaayo nga lawas ni Ma’am Faith.
Taud-taud, miabut na g’yud ang magtutudlo nga gihuwat ni Glenn. Wala kini moangkon nga gidagmalan niya ang iyang tinun-an. Batan-on ‘sab nga maestra ang gireklamo.
“Hangyo ko nimo bi, ayaw lang kaayo padak-a ang isyu kay basin madaut ko ani,†hangyo sa gireklamo nga maestra. Miyango si Glenn ug gipasabot ang magtutudlo nga siya ra ang mahibawo.
Apan may gihangyo si Glenn sa magtutudlo. Nangayo siya sa contact numbers sa maestra sa pikas lawak nga nag-handle sa Grade 3. “Ayaw tug-ani nga ako’y naghatag nimo ha? Hala, lain na ni da,†gikomedyahan si Glenn.
Mibalik si Glenn sa iyang gialagaran nga sibyaanan ug gihan-ay ang mga inpormasyon nga iyang nahipos aron i-report sa ilang balita sa udto.
Human maandam ni Glenn ang iyang report, nakahuna-huna siya nga teksan ang numero nga matud pa iya ni Ma’am Faith.
Apan wala siya tubaga. Gisuwayan pagkontak ni Glenn ang numero apan walay mitubag. Nahukman ni Glenn nga molakaw na siya paingon sa iyang news beat.
Samtang nag-interview sila si Glenn sa usa ka opisyal sa kagamhanan, mikalit pagtingog ang iyang selpon nga gigamit niya sa pag-rekord sa interview.
Gidali-dali niya sa pagtan-aw. Nakurat si Glenn kay si Ma’am Faith diay maoy nag-text. Nangayo’g pasaylo ang maestra kay wala dayon siya makatubag.
Mipasabot ang maestra nga silent mode kanunay ang iyang selpon ug tua ra sa iyang bag gibutang aron dili makatugaw sa iyang pagtudlo.
Kadto maoy sinugdanan nga nahimo na nga textmate sila si Ma’am Faith ug Glenn. Gikahimuot kaayo ni Glenn ang ilang panaghigala sa gwapa nga magtutudlo.
Nangandoy si Glenn nga moabot ang adlaw nga ikauban niya si Ma’am Faith sa usa ka kalihukan. Si Glenn maoy nahimong taytayan ni Ma’am Faith nga matabangan sila nga mga magtutudlo.
Adlaw’ng Biyernes, sweldo nila ni Glenn. Nakahuna-huna si Glenn nga suwayan og dapit si Ma’am Faith alang sa usa ka dinner.
Tuod, wala mosipyat, mi-reply dayon ang maestra. “Sigi, asa man ta magkita? Dia ko karon sa downtown.†Nagyapa-yapa sa kalipay ang kasing-kasing ni Glenn. “Anhaon tika Ma’am karon dayon,†ni Glenn pa. (Sumpayan)
- Latest
