Goodbye is not Forever
“Pag-amping kanunay sa imong lawas kay mao kanay puhonan sa pagpakabuhi.†Nagkanayon si Josheba. “Ug bahin nako diri sa Canada, wa kay angay kabalak-an. Ug happy anniversary diay natong duha.â€
“Happy anniversary sab,†tubag ni Albert. “Mwah!†“Thank you very much,†ingon sa kakataw-onon si Josheba didto sa pikas linya sa telepono samtang namulong.
Hapit mag-usa ka oras ang pagsultihanay nila ni Josheba ug Albert sa telepono. Ingon sa wala sila’y pagkapuol sa usa’g-usa. Human sila magka-estorya og maayo, nagbilin ang dalaga og tam-is nga mga pulong panamilit nga daw nagpanghawid sa kawili. Miingon pa kini nga goodbye is not forever.
Nakapanakmol si Albert human ikabutang ang gigunitan niyang telepono. Nahinumdom siya sa ilang kahimtang ni Vanessa. Sala niya kini kang Josheba. Nakasala siya sa ilang gugma. Nagluib siya sa ilang gugma. Nagluib siya sa matarong nilang kasabotan. Wala siya’y puangod ug wala’y kaluoy. Kalit lang nga mora’g mingutngot ang iyang dughan nga naghunahuna niini. Nahati-urok si Albert. Miawop sa makadiyot ang iyang panan-aw.
“Aw ako’g hunahunaa, Albert. Dili ako mahimong babag sa inyong kaminyoon, ni Josheba. Nasayod ako sa akong papel sa imong kinabuhi.†Nahinumdom si Albert sa mga pulong nga giluwatan ni Vanessa niadtong higayon nga ilang gitagay ang kalipay. -- Sumpayan pa
Pasabta Ko Tita Salie
- Latest
