Gula 83
Sukad lang sa pag-adto ni Vanessa ug sa amahan niini sa Bicol, sama siya sa nakasaghid og katol nga mga ideya.
Gikan sa baybayon milakaw siya’g balik sa iyang agi. Diriyot si Albert mabangga sa usa ka sakyanan kay ingon sa wala siya magtan-aw sa karsada sa iyang paglabang. Ingon sa wala siya sa iyang kaugalingon niadtong tungora. Blanko ang iyang hunahuna ug wala’y tumong ang iyang paglakaw.
Naglakaw siya subay sa karsada nga wala gihapon sa kaugalingon. Daghang tawo ang naglakaw sa kalsada nga iyang hisugatan apan kini ingon sa wala niya makita kay ang iyang hunahuna gisaopan sa kahasol nga naghunahuna sa iyang suliran nga sa tanto niyang puga sa iyang pangisip nagsipok na hinuon ang iyang ulo.
Pag-abot ni Albert sa ilang balay, naabtan niya ang iyang mama Gloria nga nagtan-aw sa TV diha sa sala.
“Diin ka man gikan Albert?†pangutana sa inahan nga igo lang miyahat ngadto kaniya ug mibalik pagtan-aw ngadto sa TV. Ingon sa interesado kaayo kini sa gitan-aw nga salida.
“Nasuroysuroy lang, Ma,†maoy tubag niya dayong tupad sa iyang mama Gloria nga naglingkod sa sopa.
Gitutokan siya sa iyang mama. Ingon sa nasihag sa iyang inahan ang kaseryoso diha sa iyang panagway. Ingon sa nakita sa iyang mama Gloria ang diyotay’ng kasubo nga gibungat sa iyang mga mata. (Sumpayan pa)