MOTUO KA’G DILI (Matag Domingo)
Gabii na sa paghiuli ni Edilberto gikan sa iyang bag-ong trabaho isip usa ka collector sa usa ka Merchandising Company. Ug sa paghitangka niya sa sala sa ilang balay, gisugat siya sa iyang
amahan nga si Igmon ug mapahiyumon kaayo kining miagda kaniya sa paglingkod kay may panagsultihan silang importante kaayo. Bahin kini sa umaabot nga birthday ni Edilberto. Wala dangti’g dugay migawas gikan sa kusina si mama niya Rosenda ug miapil kini sa ilang gipanagsultihan. Misagbat dayon si Rosenda nga mora’g daan nang nahibawo sa tema sa ila karong gipanaghisgotan.
“Ulitawo ka na, Edil, ug sa imong pangidaron nga bayente ug unya magbayente uno anyos ka na sunod bulan, panahon na nga mangita ka na’g imong ...imong mahalon...†dihay pahiyom nga migitli sa mga ngabil ni Igmon.
“Mao kana, anak, kay gusto gani namo ni Papa nimo nga maminyo ka na, aron duna ka nay ingnon tang punga masabot-sabot, kay duna ka na gu’y trabaho,†mitimang usab si Rosenda.
“Okey ra man, Pa, Ma nga dili ko mangita og babaye nga akong mahalon kay naa man mo,†may pahiyom nga pinugngan diha sa mga ngabil ni Edilberto.
“Lahi man gyud nga duna kay mahalon nga babaye, anak, nga momahal usab nimo isip asawa. Aw, sayod ka na, nga importante nga duna gyu’y mga anak, labi na’g matiguwang na ta...†seryosa ang tingog ni Rosenda kinsa wala na motingog, kay si Igmon na man ang nagsige’g tabi. “Valentine’s Day ra ba sunod adlaw, anak, ug tayming kaayo, dali ra kaayo kay daghan karon ang nangita’g Valentino, di ba?â€
Mipahiyom si Edilberto. Unya may gipahayag siya. “Ma, Pa, niadto bang usang gabii, nanganaog mong papa ug mama ug amo ta mong gisundan ug didto nakita ta mong duha nga nagtuwad ilawom sa punoan sa chicos, naunsa man mo, nganong naingon man mo adto, nahibulong ko ninyong duha...â€
Wala makalingkawas sila si Igmon ug Rosenda sa pangutana ug pakisayod sa ilang anak. Diha-diha, ila na lang gisulti niini nga sila mga kaliwat og ungo. Ug kay anak man siya naa pud sa kaugatan niini ang dugo sa pagka-ungo. Gipasabot nila si Edilberto ug nakasabot ra kini kun kinsa sila, nga sila mga tawo nga naulipon sa gahom sa pagka-ungo, kay kaliwat nila.
“Inig edad nimo’g bayente uno anyos, anak, mahisama ka na namo ni Mama nimo,†pahayag ni Igmon. “Mao, pangita na’g imong dad-on sa altar sa kaminyoon..â€
Valentine’s Day karon ug si Edilberto nangita na og iyang himuong Valentina. Wala pa siya’y hinigugma busa kinahanglan nga mangita pa siya og babaye nga matawag niya karon ug iyang Valentina. Tuod, sa usa ka parke nianang pagka-gabii may usa ka guwapahong dalaga nga naglingkod sa usa ka bakanteng lingkoranan. Nag-inusara lang kini. Giduol kini ni Edil ug gipasabot nga nagkinahanglan siya’g usa ka Valentina. Tuod, mao usab ang babaye, nagkinahanglan usab diay siya’g Valentino nga ika-date niya karong gabhiona. Nagkasinabot dayon ang ilang kasingkasing ug unya misubang ang buwan. Takdol kini. Nahaigking si Edil sa iyang ka-date karon kay may mga balhibo nga nanubo sa aping ug mga bukton niini. Ug hasta pud siya si Edil gitugkan na’g mga balhibo.
“Kaliwat kami’g mga ungo, Anabel,†ni Edil pa.
“Kami pud, Edil, kaliwat kami’g mga ungo. Ug karong gabhiona, andam kong mokuyog kanimo bisa’g asa,†may pahiyom ang mga ngabil ni Anabel.(Kataposan)