Samtang nagbarug sila si Janice ug Bert atubangan sa tig-isyu og tiket, ang mga mata sa ulitawo dili niya mapugngan nga makapasiklap gayud sa maghigugmaay sa atbang kanila nga hilabihan kaparaygon.
Nakabantay diay si Janice kang Bert nga nalingaw pagpasiklap sa maghigugmaay nga didto sa atbang. “Lingawa baya niya’g tan-aw uy,†nahaigking si Bert dihang gituslok sa tudlo ni Janice ang iyang kilid samtang nagngisi kaniya ang dalaga.
Mingisi lang si Bert nga mitakli sa iyang pagtutok ngadto sa panagway ni Janice. “Makapasuya man gud Jan kay loving kaayo silang duha. Ikaw Jan, loving ka ba sab sa imong boyfriend?†gisukna ni Bert si Janice.
Human makalukat og tiket, nanulod dayon sila si Janice ug Bert sa sinehan. Wala pa magsugod ang last full show mao nga minus pa ang mga nanan-aw. Duna pa’y daghang lingkoranan didto sa balcony. Gituyo ni Bert nga nagpalayo sila sa mga nakapahimutang na aron dili madungog ang ilang tingog.
“Wala pa ko nimo matubag Jan kun loving ka ba ‘sab sa imong boyfriend,†gipahinumdoman ni Bert ang dalaga. “Aw O, loving g’yud kay boyfriend gud. Ikaw dili ka diay loving sa imong girlfriend?†bawos pangutana ni Janice.
Nagkataw-anay silang duha. Gigunitan ni Bert ang kamot ni Janice. Gihapyud-hapyud ni Bert ang lumoy kaayo nga palad sa dalaga. Dayon, anam-anam nga miaginud ang kamot ni Bert ngadto sa pulso ug dayon sa bukton ni Janice.
“Kanindot kun mahimo ko ikaw nga girlfriend Jan no?†matud ni Bert nga nagpasumbingay na nga duna siya’y gusto sa dalaga. Milingi kaniya si Janice nga nagpahiyom. Sanglit hayag pa ang suga kay wala pa magsugod ang salida, naklaro ni Bert nga kandiison diay ang aping ni Janice.
Daw naghigwaos na si Bert, naglaway nga nagsud-ong sa katahum ni Janice. Alang kaniya lami na kaayo nga kupogan ug pakaligoon og mga hawok ang dalaga. “Ang mga babaye sagad g’yud nga maghuwat ra man nga manguyab kanila ang lalaki Bert,†matud ni Janice.
“Wala ka masayup Jan. Kini maoy maghatag kanako og kaisog sa pagtug-an kanimo sa akong gibati. I love you Janice,†wala magliko-liko si Bert sa iyang pagpanguyab sa dalaga. Daw natuk-an gud si Janice, wala dayon makatingog.
Apan may nagpahipi na nga paglaum alang kang Bert nga sugton siya ni Janice. Una, miuban kini kaniya pagpanan-aw og sine ingon man makadaghan na kini nga moagi didto sa eskena nga tua siya madistino isip traffic enforcer.
“Lauman nako Jan nga dili nimo ako pakyason,†matud ni Bert sa tingog nga maguwang lang sa hagawhaw. (Sumpayan)