Naligo paghuman

Dear Tita Salie,

Have a wonderful day. Just call me Maica, from Toledo City, 19 years of age and still single.

Naa koy boyfriend, Tita, ug mag one year na ang among relationship. Wala kapugngi, Tita, dunay nahitabo namong duha. First time pa gyod to nga among gibuhat.

Sa dihang padulong pa namong gibuhat ang sex, Tita, wala man ko batia og kahadlok bisan kun first time pa namo. Ang ako lang na-feel nga nalipay ug nalingaw ming duha. Wala pod nako siya pugngi, Tita, kay giganahan man ko sa among gibuhat ug love kaayo nako ang akong uyab.

Apan pagkahuman namo og sex, Tita, diha nako nisugod og kahadlok tungod kay nasayod ko nga masuko gyod ang akong mga parents niini kay estrikto baya kaayo sila. Naligo dayon ko, Tita, paghuman gyod dayon namo. Matangtang kaha to, Tita? Mabuntis ba ko bisan kausa ra ko makig-sex?

Wala pa raba ko gimens dihang nag-sex mi sa akong boyfriend. Gikulbaan nako hangtod karon, Tita, busa nakahunahuna ko nga ako na lang kining ipakuha kay dili pa gyod ko ready, Tita, ug nahadlok gyod ko sa akong parents.

Unsa man nga tambal ang akong imnon, Tita, aron makuha o dili madayon og kabuhi ang bata? Palihog tabangi ug Pasabta ko. Thank you very much and God bless.

-- Maica

* * *

My dear Maica,

Ang imong reaction sa nahitabo kanimo o sa imong gibuhat nagtimaan lamang sa imong pagkabata ug pagka-inosente. Kay wala pa gyod ka masayod sa imong gibuhat. Apan dili sakto kun ako muingon kanimo nga pasayloon na lang ka kay wala ka masayod sa imong gibuhat, sama sa gisulti ni Jesus Christ dihang gilansang siya sa krus. Tungod kay bisan inosente pa ka ug wala pay kasayoran sa imong gibuhat, aduna ka nay responsibilidad nga dapat atubangon isip consequence sa imong nabuhat nga sayop.

Ang lesson alang kanimo mao nga ayaw na lang buhata ang usa ka butang nga wala ka pay kalibotan. Likayi pagsulod ang lugar kun ikaw wala masayod kay segurado gyod nga masaag ka. Klaro lamang kaayo nga nagpadala lang gyod ka sa imong gibati. Dapat nimong masabtan nga dili kini dapat buhaton kun duna kay panglantaw sa imong kaugmaon, kun duna kay pagmahal sa imong kaugalingon.

Dapat usab nasayod ka nga bisan kausa lang nimo nabuhat duna gyu’y posibilidad nga mabuntis ka kun ugaling fertile ka dihang inyo kining gibuhat. Ug dili gyod kini mawagtang bisan kapila pa ka maligo. Ug labaw na nga ayaw hunahunaa nga imo kining ipakuha kay musamot pa hinuon unya ang imong  problema.

Pasagdi na lang ang Dios ug pag-ampo kaniya nga dili pa unta karon tungod kay dili ka andam. Ug likayi na gyod nga inyo kining mabuhat pag-usab. Learn to say no, until such time nga minyo ug andam na mo.

 -- Tita Salie