Sa matag atake ni Albert, mopiliik sa kasakit nga gibati si Josheba. Nagkulismaot ang nawong niini. Apan nagpabilin gihapon ang kahugot sa paggakos niini kaniya. Busa mipadayon siya sa pagpatidlom.
“A-Albert....” pinugngan ang tingog ni Josheba nga nanibug-ok ang singot sa agtang. Nagpiyong ang iyang mga mata.
“J-Josheba...” hagawhaw usab ang tubag ni Albert. “I love you...”
Sa misunod nga mga gutlo, misunod sa paglihok ang lawas ni Albert. Sama sa nagsaka-kanaog. Paspas ug subli-subli ang iyang mga lihok. Atras abante. Si Josheba nahisama sa usa ka sakyanan nga gipasagdan ug nagsalig lamang sa sapyot nga magmaneho sa iyang kaugalingon. Nagpamatyag siya sa kalalim nga gidulot sa matag lihok ni Albert .
Hingpit gayod nga mitahan si Josheba sa iyang kaugalingon ngadto kang Albert. Ug niadtong gabhiona, gitambayayongan nila pagsaulog ang karaan nga ritwal sa gugma. Nakab-ot nila ang kinapungkayan sa himaya. Malipayon silang duha. Daw dili hitupngan ang kamasanagon sa mga bituon sa langit niadtong higayona. -- Sumpayan pa