AJ mitubag na sa isyu
Hugtanong gihimakak ni AJ Raval ang walay kamatayon nga isyu nga matud pa napamabdosan siya sa iyang boyfriend nga si Aljur Abrenica.
"'Tsaka enough na please sa baby-baby issue and buntis and all.Hindi nangyari yun, okay? Walang ganun," nagkanayon si AJ atol sa iyang Facebook Live.
Karon lang nakahigayon si AJ sa pagtubag sa maong isyu.
"Hindi talaga ako nabigyan ng chance na magsalita, na protektahan yung sarili ko. Yun lang," niya pa. -Sanden J. Anadia
Derrick nagbag-o tungod ni Elle
Gibutyag ni Derrick Monasterio nga dako gyud og nahatag nga kabag-ohan sa iyang kinabuhi ang iyang girlfriend nga si Elle Villanueva.
Matud pa niya nga na-impluwensya siya sa iyang uyab alang sa saktong paghupot sa iyang kinitaan. Gitambangan siya sa iyang girlfriend nga labing maayo nga dili magpalabi sa pagpalit og mahalon nga butang.
Gipahi-magnoan si Derrick ni Elle nga importante kaayo ang pagtigom alang sa kaugmaon. -Sanden J. Anadia
Nagpapitik sa kasing-kasing ni KC
Ang negosyante nga si Michael Wuethrich maoy gidungog nga boyfriend ni KC Concepcion.
Kahinumdoman nga sweet kaayo ang duha samtang nanglaag sa Europe.
Wala'y plano si KC nga ipublikar og maayo ang iyang lovelife.
Naglikay ang aktres sa mga sitwasyon nga iyang nahiagoman sa nangagi niya nga lovelife. -SJA
Carlo ug Kylie magpares
Magpares sila si Carlo Aquino ug Kylie Verzosa sa upcoming movie nga nag-ulohan og "Elevator".
Si Philip King ang direktor sa maong proyekto.
Gi-produce kini sa Rein Entertainment nga mao usab ang nagpaluyo kaniadto sa
“Nananahimik ang Gabi” ug “Bagman.”
Sa laing bahin, busy pud si Kylie sa pelikula niya kauban si Matteo Guidicelli nga “Penduko”, nga official entry sa 2023 Metro Manila Film Festival (MMFF) karong Disyembre. -Sanden J. Anadia
Pagkanta ni Albie gisumsoman
Nakadawat og lain-laing reaksyon ang nag-trending nga performance ni Albie Casiño atol sa pagharana niya sa mga kandidata sa usa ka indigay sa niaging gabii.
Pipila ka netizens ang nipadayag nga murag hubog si Albie samtang nagkanta.
Duna pu'y uban ang niingon nga murag nag-video ang aktor.
Bisan pa man niini, dunay netizens ang niingon nga nabawi rapud ni Albie ang iyang performance gumikan sa ka-cute niini. -SJA
Maxene migahot
Wala kaaguwanta ang Kapamilya actress nga si Maxene Magalona ug nitingog na gyud kini kalabot sa komento sa ubang tawo nga matud pa nagpaka-aron ingnon ra siya sa social media nga malipayon ang iyang kinabuhi.“People think that when you’re healing, you are not supposed to be sad anymore. That you should be healed, perfect and happy all the time. This is not what healing is about,” pagklaro ni Maxene.
Proud mother
Gipasigarbo ni Jean Garcia ang iyang anak nga si Jennica gumikan sa dedikasyon niini sa trabaho. "I'm very, very proud of you, anak. Thank you for your hard work, your dedication, your professionalism pagdating sa trabaho. Isa akong proud mother ng isang Jennica Garcia,”nagkanayon si Jean.
Kadugo ni Aguinaldo
Gibutyag sa 15 anyos nga singer nga si Aurora Elizabeth Aguinaldo o nailhan isip Lizzie, nga andam na siya nga mogama sa iyang pangalan sa music scene. Na-pressure pud siya sanglit kadugo niya ang labing una nga presidente sa Pilipinas nga si Emilio Aguinaldo.
- Latest