Mga kabtangan ni Rosell wala pa mauli
CEBU, Philippines — Patong-patong nga kaso ang gipasaka ni Atty. Collin Rosell, kani Cebu City administrator batok kang Mayor Raymond Alvin Garcia, hepe sa Cebu City Police Office Antonietto Cañete, station commander sa Cebu City Police Station 3 Police Mayor John Lynbert Castigador Yango, City Administrator Atty. Kristine Joyce Batucan ug City Legal Officer Santiago Ortiz, Jr. human siya giaresto niadtong Nobiyembre 8, 2024.
Ang mga kaso gilangkuban sa arbitrary detention, unlawful arrest, tumultuous disturbance, physical injuries, grave threats, grave coercion, malicious mischief, kalapasan sa Akta Republika 11983 kun “New Philippine Passport Act, Violation of Access Device Regulation Act of 1998”, Anti-Child Abuse Act, grave misconduct, gorss neglect of duty, grave abuse of authority.
Si Rosell nipasangil nga gihimulbolan siya atol sa iyang pagkaaresto diha sulod sa mayor’s office.
Ang iyang mga kabtangan sama sa iyang kwarta, ATM, cellphone, laptop, charger pitaka, credit card ug uban pa nga mga importante nga butang nga gamit sa panarbaho lakip ang iyang passport ug mga detalye sa bangko ang gikuha kini sa kapolisan ug hangtud karon natanggong pa kini ug wala pa kini mauli.
Matud ni Rosell nga mamahimo na unta niya nga makuha kini pagbalik gikan sa kapolisan apan giingnan siya nga anaa kini sa city hall apan nagdumili gihapon kini nga iuli.
Kasamtangang nakandado ang mayor’s office diin gidakop si Rosell tungod kay matud ni Garcia nga gipaubos kini og imbestigasyon human sa nahitabong komosyon sulod sa city hall.
Samtang ni Atty. Mikel Rama nagkanayon nga nakita niya nga ang intensiyon sa pagdakop ni Rosell mao nga pakaulawan kini.
Ang pagkasikop ni Rosell warrantless arrest ug giingong nakita ni Atty. Rama nga nipa-blotter si Rosell pagka-alas 2:30 sa hapon ug aduna pa unta kini higayon nga makakuha og warrant of arrest sa korte apan ang nahitabo pagkahatud ngadto sa Waterfront Police Station gipalingkod lang si Collin. (Preciosa L. Bacalso/BDB) — (BANAT NEWS)
- Latest
