Mamahimo bang pabilin ang paggamit sa apelyido sa pagkadalaga?

Dear Atty. Divine,

Usa ako ka OFW ug naminyo ko bag-o lang. Aduna lang koy pangutana labot sa akong passport ug sa akong mga government issued ID kun kinahanglan pa ba ni nako silang ipausab? Mamahimo ba nga akong ipadayon ang paggamit sa akong apelyido sa pagka dalaga bisan kun ako naminyo na? Daghang salamat.

Gwen

* * *

Dear Gwen,

Basi sa Art. 370 sa atong  New  Civil Code, dili obligado ang usa ka minyo nga babaye nga mogamit sa surname sa iyang bana. Gihatagan siya og option sa maong balaod sa paggamit sa iyang naandan nga apelyido sa pagkadalaga o sa paggamit sa surname  sa iyang bana. Busa kun hasulan ka mopausab sa imong mga government issued ID lakip na sa imong passport, mamahimo ra  nga imong ipadayon ang paggamit sa imong apelyido sa pagkadalaga. Apan kun mo fill up ka og bisan unsang dokumento kinahanglan nga imong ibutang ang imong marital status as married. Thank you and God bless.

Atty. Divine

* * *

Alang sa inyong pangutana. palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.