Warrant of arrest nagtangag  Ken gikiha og estafa

CEBU, Philippines — Gipasakahan na og kasong estafa ang aktor nga si Ken Chan ug didto kini gisang-at sa  Quezon City Prosecutor's Office gumikan sa giingong anomaloso nga   investment deal nga niabot ngadto sa  P14 million.

Base sa report sa PEP, giadto sa kapulisan ang panimalay  ni Ken  kagahapon sa buntag  aron i-serve ang warrant of arrest  alang sa aktor .

Wala  ang aktor sa pag-abot sa mga polis sa panimalay niini.

Ang duha ka mga abogado sa  complainant nga sila si  Atty. Joseph Noel Estrada ug Atty. Maverick Romero sa Estrada ug  Aquino Law Office kay nikumpirmar sa pagkalambigit sa aktor sa kaso ingon man usab ang laing pito  ka co-investors niini .

Usa ka lalaki nga negosyante ang complainant .

Nagkanayon si  Atty. Atty. Estrada nga gisaaran ni Ken ang complainant og nagkadaiyang negosyo niadtong 2022.

Matud pa nga P14M kantidad sa investment ang nahatag sa  complainant ngadto  sa grupo ni Ken.

Giingong wala motuman ang grupo ni Ken sa ilang mga nasabotan.

"Using misrepresentation, fraudulent schemes, nakakuha sila ng pera sa complainant," matud pa ni Atty. Estrada .

Samtang gibutyag pud ni  Atty. Romero  nga gisuwayan na og  serve  sa kapolisan og warrant of arrest  si  Ken sa niaging buwan apan wala gyud nakit-i ang aktor .

Sa pagsuwat niining balitaa. , wala pa motingog si Ken kalabot sa kontrobersiya nga iyang giatubang.