Atop sa mga e-bike sa San Nicolas Proper gibutangan og dagkong numero
CEBU, Philippines — Gatus ka e-bike nga anaa magdagan sa San Nicolas Proper ang dali na unya nga masayran kong kini adunay mga buhaton nga binuang kini human ang ilang mga atop adunay dagko kaayo nga mga numero ang gipahimutang atol sa ilang renewal sa permit.
Kini ang gibutyag ni Kapitan Clifford Jude Niñal nga gikahinabi sa Banat News ug DyRF 1215.
Matud ni Niñal nga sila ang unang barangay nga nipahigayon sa maong programa nga pagpahimutang og mga number sa mga e-bike kini aron dali unya ang pag-ila sa mga drayber nga mohimo og binuang o adunay mga importante nga butang ang mabiyaan sa ilang pasahero.
Si Niñal nagkanayon nga tungod kay adunay gipakatap nga CCTV sa barangay hinungdan usab nga gipahimutang sa mga atop sa e-bike ang mga numero niini aron dali ra sila nga mailhan tungod kay aduna naman kini mga tag-iya base sa registration.
Dugang ni Niñal nga iyahang gihingusgan ang maong programa tungod kay ang iyang barangay adunay dako nga merkado ug daghang mga modagsa nga mga tawo. BDB BANAT NEWS
- Latest
