Mga atleta nga mihakot og medalya sa CVIRAA pasidunggan
CEBU, Philippines — Pasidunggan ang mga kabataang atleta sa Dakbayan sa Talisay nga nakakuha og medalya gikan sa Central Visayas Regional Athletic Association (CVIRAA) atol unya sa kasaulogan sa Takas sa Talisay sunod semana.
Kini maoy gibutyag ni Dr. Arden Monisit, Schools division superintendent.
Matud pa ni Monisit nga ubay-ubay nga medalya ang ilang nasakmit kung ikumpara sa miaging tuig.
Ang mga atleta nakakuha og lima ka gold, upat ka silver ug 12 ka bronze medal gikan sa sports nga boxing, chess, table tennis, takewondo, billiard ug swimming.
Sa nasayran ang Talisay magsaulog sa ika- 80 ka tuig nga Takas sa Talisay o ang kagawasan diin ilang handumon ang mga kaagi sa mga beterano.
Ang ilang katapusan nga coordination meeting gihimo sa miaging adlaw.
Adunay programa nga ipahigayon diin isal-ot ang pag ila sa mga atleta sa ilang nahimo nga kalampusan nga daku nga garbo usab sa mga Talisaynon. (BANAT NEWS)
- Latest
