Sud-gawas sa prisohan, gibirahan patay
CEBU, Philippines — Patay ang usa ka 43-anyos nga giingong sulod-gawas sa prisohan human kini gipusil sa duha ka wala mailhing tawong sakay og motorsiklo diha sa Sitio Phantom, Barangay Lorega San Miguel, dakbayan sa Sugbo niadtong Miyerkules sa gabii, Marso 19, 2025.
Ang biktima mao si Edgar Calledo Devibar alyas Junlot, 43, nagpuyo sa naasoy nga lugar.
Sa imbestigasyon sa Pari-an Police Station 1 Cebu City Police Office (CCPO) ang mga mamumuno niduol sa biktima ug gipusil kini ug daling nisibat. Kalibre 45 ang gituohang armas nga gigamit sa krimen basi sa nakuhang mga basiyo sa lugar.
Nasayran nga ang biktima makadaghan na nadakpan sa kapulisan tungod sa kalambigitan niini sa illegal nga drugas.
Gani bag-o lang kini nakagawas sa prisuhan tungod gihapon sa illegal drugs. Gisusi pa kun kinsa ang mipatay sa biktima. (BANAT NEWS)
- Latest
