Mga pet owner nga magpasagad isyuhan og citation
CEBU, Philippines — Ang Department of Veterinary Medicine and Fisheries nga gipangulohan ni Dr. Alice Utlang hugot nga nipatuman sa pagpang-isyu og citation sa mga namuhi og kahayopan nga nagpasagad lang.
Si Utlang uban sa team niini ang niisyu na og citation ticket ngadto sa mga namuhi og kahayopan sa higayon nga mataho sila nga naghigot sa ilang mga iro sa gawas sa ilang balay gumikan kay mainitan kini ug maghatag kini og kabalaka sa ilang mga silingan.
Nasayran nga adunay pipila na ang naisyuhan og citation ticket tungod sa maong mga kalapasan diin ilang gitinguha nga madisiplina ang mga pet owner ug dili kay magbuhi-buhi lang.
Matud ni Utlang nga ang pag-isyu nila og citation ticket aron makontrolar usab ang pagpanamastamas sa mga kahayopan.
Ug gumikan usab sa daghang reklamo nga nadawat nila sa DVMF hinungdan sa pagpahugot nila sa pagpatuman sa balaod. (BANAT NEWS)
- Latest
