43 ka LGUs nakapasar sa GFH
CEBU, Philippines — Niabot sa 43 ka local government units (LGUs) sa Probinsiya sa Sugbo ang naapil sa mga listahan sa mga lokal nga kagamhanan nga nakapasar sa Good Financial Housekeeping (GFH) sa Department of Interior and Local Government (DILG) sa tuig 2024.
Ang unom ka component cities sa probinsiya nga nalakip sa listahan mao ang mga dakbayan sa Bogo, Carcar, Naga, Talisay, Toledo ug Danao.
Samtang ang 37 ka lungsod nga apil sa listahan mao ang mga lungsod sa Alcantara, Alcoy, Alegria, Aloguinsan, Argao, Asturias, Badian Balamban, Bantayan, Barili, Borbon, Carmen, Catmon, Compostlea, Consolacion, Cordova, Daanbantayan, Dalaguete, Dumanjug, Ginatilan, Liloan, Malabuyoc, Medellin, Minglanilla, Moalboal, Oslob, Pinamungajan, Samboan, San Fernando, San Francisco, San Remigio, Santa Fe, Santander, Sogod, Tabogon, Tabuelan, ug Tuburan. Ang maong mga LGUs maoy nakapasar sa mga rekisitos nga gikinahanglan sa rules ug standards nga gilatid alang sa maayong accounting ug auditing sa LGU.
Matud sa DILG nga ang GFH mao ang pamaagi pagsukod sa financial transparency sa pagtaho sa pundo lakip na ang pag-amping ug paggasto sa maong pundo sa local government units.
Nasayran nga sa Central Visayas, 12 ka siyudad ug 91 ka lungsod ang passers sa GFH.
Samtang sa tibuok nasud niabot ngadto sa 144 ka siyudad ug 1,315 ka kalungsoran usab ang passers.
Ang usa ka LGU makapasar sa GFH kon ma-comply niini ang duha ka criteria nga gilatid sa DILG diin naglakip kini sa COA audit opinion ug kinahanglang unqualified o qualified kini base sa annual audit report.
Giingong kinihanglan usab nga ang tibuok nga disclosure policy sa kompletong posting sa gikinahanglan nga financial documents. (BANAT NEWS)
- Latest
