Bishop Billones nahinangop sa pagbalhin kaniya sa Iloilo City
CEBU, Philippines — Auxiliary Bishop Midyphil Billones, moderator sa Team of Pastor sa National Shrine of St. Joseph Mandaue City posibleng mobalik na unya sa Jaro, Iloilo City human sa semana santa.
Matud pa ni Billones, sunod semana magtigum na sila alang sa pag finalized na sa adlaw sa pag instalar niya isip arsobispo sa Jaro, Iloilo City.
Nagkanayon si Billones nga sa pagka karon wala pa gyud final nga adlaw sa iyang pagbalhin pero dako iyang pagtuo nga inig human na unya sa semana santa ug sa pagka karon anaa na sila sa final phase sa transition alang na sa iyang pagbalik sa iyang yuta nga natawhan.
Suma pa ni Billones nga ang pagkatudlo niya isip arsobispo overwhelming kaayo pero sila nga mga pari atol sa pag ordinar palang nila ilaha nang gisurender ang pag yes sa Ginoo. Hinungdan ning iyang bag-ong missionary mandate nga mobalik sa local church sa Jaro anaa gihapon ang iyang pag yes ug pag tahan sa Ginoo ug anaa usab iyang pagsalig sa kalooy ug gugma sa labaw nga makagagahum.
Ning pagbalik sa Obispo sa iyang yuta nga natawhan iyang bitbiton ang iyang mga kasinatian sa Sugbo uban sa pagtuo sa mga Sugbuanon gikan pa sa pandemic ngadto na sa bagyong Odette diin makita ang ilang pagka resilient. (BANAT NEWS)
- Latest
