Nag-estorya sa cellphone gipusil patay
CEBU, Philippines — Patay diha-diha dayon ang usa ka ex-convict human kini gipusil sa wa pa mailhing mamumuno diha sa sitio Iba, Barangay Lagtang, Dakbayan sa Talisay niadtong Sabado sa alas 3 sa hapon.
Ang biktima nailhan nga si Jeffrey Cabuenas alyas Pare, 33,taga sitio Ilang-Ilang, Barangay Lagtang sa nahisgutang siyudad.
Si Police Lt. Col. Epream Paguyod, hepe sa kapolisan sa Talisay nibutyag nga nagbarug-barug sa lugar ang biktima nga adunay kaestorya sa iyang cellphone.
Apan kalit lang kini nga gipusil sa wala mailhing mamumuno.
Matud pa ni Paguyod nga yano lang nga nisibat ang gun man ug sila nagduda nga aduna kini laing kuyog kini sa pagsibat.
Asoy pa niya nga base sa mga pamahayag nga ilang nakuha, talagsaon ra kaayo kini nga hitabo nga naa didto sa lugar ang biktima. Sa pagsusi sa background sa biktima nasuta nga napriso na kini kaniadto gumikan sa kaso sa ilegal nga drugas.
Sa miaging tuig, gipaubos na nila og monitoring ang biktima gumikan sa iyang pagkalambigit sa pagbaligya og ilegal nga drugas. Nalambigit sab ang biktima sa kawat sa mga manok igtatari.
Padayon sila si Paguyod sa pagpangita pa og dugang nga testigos sa panghitabo aron ilhon ang responsable sa krimen. — /IBM (BANAT NEWS)
- Latest
