P13 milyong shabu, 595 nadakpan sa duha ka adlaw nga operasyon
CEBU, Philippines — Gikan sa Enero 27 hantod sa petsa 29, 2025 ang Police Regional Office(PRO)-7 nakakompiskar og P13.4 million nga balor sa illegal nga drugas ug 595 ka mga suspects ang nadakpan.
Atol sa maong 72-hours nga operasyon ang kapulisan naka-recover og 1,969.78 grams nga shabu ug 25 gramos nga marijuana.
Sa kampanya batok illegal gambling, nasakmit ang P22,374 nga kwarta ug 225 ka indibidwal ang nadakpan sa 132 nila ka mga operasyon.
Nihimo sab og operasyon batok sa ilegal nga sugal , unregistered firearms diin 101 ka armas ug duha ka explosives ang nasakmit ug 27 ka tawo ang nadakpan.
Niabot sab og 133 ka wanted persons nga dunay mga warrants ang ilang nasikop, apil na niini ang 19 ka tawo most wanted.
Si PRO-7 Regional Director Brigadier General Redrico Maranan miingon nga proactive initiatives kini aron mapakgang ang mahitabo pang mga krimen.
Sa Talisay City, unom ka babaye ug usa ka lalaki ang gipangdakop human nalambigit sa ilegal nga Swertres.
Samtang sa Cebu City, sobra sa P2 milyones nga kantidad sa ginadili nga drugas ang nasakmit sa ilang tulo ka adlaw nga anti-crime operations sugod Enero 27 ngadto sa 29, 2025 nga gikasikop sa 140 ka mga tawo. Gabriel Bonjoc ug Rowena D. Capistrano, IBM BANAT NEWS
- Latest
