DepEd motabang sa tinun-ang nailo sa inahan ug mga igsuon

CEBU, Philippines — Gikondinar sa mga opisyal sa Department of Education ang brutal nga pagpatay sa 11 anyos nga tinun-an sa Barangay Lutac Dakbayan sa Naga, uban sa iyang inahan ug 3anyos nga igsuon niadtong adlaw nga Lunes, Enero 27.

Si Dr. Salustiano Jimenez, ang Regional Director sa DepEd-7 nga nahinabi sa Banat News/DyRf1215,  mikondinar sa dili makiangayon gibuhat sa amahan ngadto sa maong tinun-an mismo.

Maoy panghinaut ni Jimenez nga hunahunaon gayud sa mga ginikanan ang ilang responsibilidad ug kaugmaon sa ilang mga anak.

Si Jimenez nitug-an nga silang mga magtutudlo diha sa Division Office mohimo og mga lakang aron tabangan ang pamilya sa nakalas nga tinun-an ug sa nahabilin nga igsuon niini nga nakalingkawas sa brutal nga panghitabo kay adtong tungora nisulod kini sa iyang klase.

Karon adlawa Sabado, Pebrero 1, 2025 hingpit nga ihatud sa ilang kapahulayan nga dayon ang mga namatay nga inahan ug iyang duha ka mga anak nga 11-anyos ug 2-anyos nga gipangtigbas ug gigulgol ang mga liog sa ilang amahan nga giingong nalisoan og pangisip apan gialegar sab matud pa sa kapolisan nga nagumon sa ilegal nga drugas ug sugal ng scatter. IBM BANAT NEWS