Bar ug board passers sa Talisay nakadawat og incentives
CEBU, Philippines — Nidawat sa ilang insentibo ang mga board ug bar passers nga taga Dakbayan sa Talisay kagahapon.
Niabot sa 277 ang gidaghanon sa gihatagan og tag P5 mil ug P10 mil.
Si Konsehal Eduardo “Digul” Gullas III, chairman sa committee on education nibutyag nga dako iyang kalipay nga nakita nga napahimuslan na ang ordinansa nga iyang gipangamahanan ngadto sa mga naningkamot nga mga Talisaynon.
Gituyo niya ang pagduso sa maong ordinansa isip pahalipay sa mga Talisaynon nga naningkamot nga makab-ot ang ilang gusto nga propesyon.
Ang mga board passer nakadawat og tag P5 mil samtang P10 mil alang sa mga bar passer.
Si Mayor Gerald Anthony “Samsam” Gullas, Jr. maoy nangulo sa pag-apod-apod sa insintibo.
Ang maong kalihokan gipahigayon diha sa Sports Academy Building gumikan sa kadaghan sa nidawat og insintibo. BDB BANAT NEWS
- Latest
