Cebu City ikaduha sa top 10 pet friendly destinations
CEBU, Philippines — Ginganlan sa digital travel platform nga Agoda ang Cebu City, Philippines isip usa sa top 10 most pet-friendly nga travel destinations sa Asia niadtong 2024.
Gianunsyo sa Agoda ang maong ranking diin ang siyudad sa Sugbo maoy ikaduha, ug nakasulod usab ang capital city sa nasod, ang Manila nga anaa sa ika-10 nga pwesto.
Sa kinatibuk-an nag-una ang Da Nang, Vietnam, nga pet-friendly destination, ika-tulo ang Hanoi, Vietnam, ika-upat ang Nha Trang, Vietnam, ug ikalima ang Tainan, Taiwan.
Apil usab sa ranking ang Pattaya, Thailand nga anaa sa ika-unom nga pwesto, ika-pito ang Taichung, Taiwan, ika-walo ang Ho Chi Minh City, Vietnam, ug ika-siyam ang New Delhi, India.
Ang lista, nga gikalkula base sa average number sa accommodations nga nagtugot nga dad-on ang mga pet, nagpakita nga ang mga siyudad sa Vietnam ang nagdominar sa listahan, nga naka-secure og upat ka pwesto.
Sa ubang bahin, namatikdan usab sa Agoda nga dunay pagsaka sa pet travel sa Asya, labi na sa mga Millennial ug Gen Z nga nihangop na sa pet parenthood ug splurge sa ilang mga furry friends, sumala sa usa ka bag-o nga pagtuon sa Allied Market Research.
"Agoda saw a 64% growth in pet-friendly properties last year, making it easier than ever for pets to join their owners on travel adventures in comfort and style," sumala pa sa online travel platform. MEL BANAT NEWS
- Latest
